ԶԱՐԻՖ՝ ԻՐԱՆ ԱՄԵՆԱԿԱՐՃ ՄԻՋՈՑԻՆ ՀԱՄԱՁԱՅՆՈՒԹԻՒՆ ՊԻՏԻ ԳՈՅԱՑՆԷ ԻՐ ՄԻՋՈՒԿԱՅԻՆ ԾՐԱԳԻՐԻՆ ՇՈՒՐՋ

0
99

Իրանի արտաքին գործոց նախարար Մուհամմէտ Ճաուատ Զարիֆ  յայտարարեց, թէ Թեհրան, ամենակարճ ժամանակամիջոցին  Վեցեակին հետ   համաձայնութիւն պիտի  կնքէ իր  միջուկային ծրագիրին շուրջ:« Բանակցութիւները չեն նշանակեր գործընկերներու հանդէպ կոյր վստահութիւն, սակայն մենք պիտի  չկորսնցնենք ներկայացուած առիթը». յայտնեց ան:

Ուաշինկթընի մէջ,   նախագահ Պարք Օպամա, պատասխանելով  Իսրայէլի կողմէ  Ժընեւի մէջ Իրանի   միջուկային ծրագիրին շուրջ  ձեռք բերուած   համաձայնութեան  քննադատութիւններուն,  յայտարարեց, թէ  Միացեալ Նահանգներ   չի կրնար  Իրանի առջեւ  փակել դիւանագիտութեան դուռը:  Ան  ընդգծեց, թէ  Ժընեւի մէջ  կնքուած համաձայնութիւնը առարկայական  լուծում մըն էր բոլոր կողմերուն համար:

Մեծն Բրիտանիոյ արտաքին գործոց նախարար Ուիլիյըմ Հէյկ՝ Իսրայէլէն պահանջեց  չխանգարել  Իրանի միջուկային   ծրագիրին  վերաբերեալ  բանակցութիւնները:

Բրիտանական « Տը Կարտիըն» օրաթերթը կը  գրէ, թէ  Իրանի հետ կնքուած համաձայնագիրին  գործադրութիւնը կրնայ աւելի դժուար  ըլլալ,  քան՝ գոյացնելու  գործընթացը: «Թայմզ» օրաթերթը կը գրէ, թէ   համաձայնութենէն  մեծագոյն տուժողները պիտի  ըլլան Իսրայէլը եւ Սէուտական Արաբիան: Ֆրանսայի արտաքին գործոց նախարար Լորան Ֆապիւս յայտնեց, թէ Փարիզ   տեղեակ  էր  Թեհրան – Ուաշինկթըն  գաղտնի  բանակցութիւններէն:

LEAVE A REPLY

Please enter your comment!
Please enter your name here