ՅՈՒՆՈՒԱՐԷՆ ՍԿՍԵԱԼ ԵԱՀԿ-Ի ԳՐԱՍԵՆԵԱԿԸ ՊԻՏԻ ՓԱԿՈՒԻ ՊԱՔՈՒԻ ՄԷՋ

0
119

ԵԱՀԿ-ի Պաքուի   գրասենեակի  ղեկավար   Քորայ  Թարքայ   յայտարարեց, թէ 1 Յունուար  2014-էն սկսեալ,  ԵԱՀԿ  պիտի դադրեցնէ  Պաքուի մօտ իր  գրասենեակին գործունէութիւնը: Ան  նշեց, թէ սոյն որոշումը առնուած է  ԵԱՀԿ-ի Մնայուն Խորհուրդի  26 Յուլիսի  նիստին: Միացեալ  Նահանգներու  պետական քարտուղարի  օգնական  Ճէյմս Ռոպի յայտարարեց, թէ  Ուաշինկթըն  իրական  հեռանկարներ  կը տեսնէ  Լեռնային Ղարաբաղի հակամարտութեան կարգաւորման հարցով:  Ան նաեւ  նշեց, թէ  Ուաշինկթըն եւ Պաքու  ընդհանուր հետաքրքրութիւներ ունին տարածաշրջանային անվտանգութեան,  ուժանիւթի աղբիւրներու մատակարարման,  ահաբեկչութեան դէմ  պայքարի ու կանխարգիլման  վերաբերեալ: Եւրոպայի հարցերով, բրիտանացի   նախարար  Տէյվիտ  Լիթինկտըն իր գոհունակութիւնը յայտնեց  ղարաբաղեան հակամարտութեան գործընթացէն ներս արձանագրուած  յառաջդիմութեան:  Նախարարը  նշեց, թէ  Լոնտոն  ողջունած է  Հայաստանի եւ Ատրպէյճանի նախագահներուն հանդիպումը:

Եւրոպական  Միութեան դրացնութեան հարցերով  յանձնակատար  Շթեֆան Ֆիուլէ  ողջունեց  ձգձգուած  հակամարտութիւնները, որոնց մէջ՝ Լեռնային  Ղարաբաղի  հակամարտութեան կարգաւորման  ուղղուած  ԵԱՀԿ-ի ջանքերը:

 

LEAVE A REPLY

Please enter your comment!
Please enter your name here