ՆԱԽԱԳԱՀ ՍԵՐԺ ՍԱՐԳՍԵԱՆ ՊԻՏԻ ՄԵԿՆԻ ՎԻԼՆԻՈՒՍ

0
226

Հայաստանի  հանրապետութեան նախագահ Սերժ Սարգսեան  պիտի մեկնի  Վիլնիուս, մասնակցելու՝  Արեւելեան  գործընկերութեան  խորհրդաժողովին, որ  տեղի պիտի ունենայ    28-29  Նոյեմբերին:  Խորհրդաժողովին պիտի  մասնակցին նաեւ Ատրպէյճանի,  Վրաստանի, Ուքրանիոյ նախագահները, Մոլտովայի  վարչապետը եւ Պելառուսի արտաքին գործոց նախարարը:   

  Ուրբաթ, 29  Նոյեմբերին տեղի պիտի ունենայ  Եւրոպական Միութեան  ղեկավարութեան եւ Արեւելեան  գործընկերութեան  երկիրներու  խորհրդաժողովը: 2009 թուականին,  Փրակայի մէջ  նախաձեռնուած խորհրդաժողովին  հիմնական նպատակներէն մէկը պիտի  ըլլար.« Քաղաքական  միացումը եւ յետագայ  տնտեսական  համագործակցութիւնը արագացնելու  համար պայմաններու ստեղծումը»: Հայաստան՝  Մաքսային Միութեան անդամակցելու  որոշումը  յայտարարելէ  ետք, Եւրոպական Միութիւնը  դադրեցուց Երեւանի հետ համագործակցութեան բանակցութիւնները: Առայժմ անորոշ կը մնայ, եթէ Հայաստան որեւէ  համաձայնութիւն կրնայ ստորագրել Վիլնիուսի մէջ:

 

LEAVE A REPLY

Please enter your comment!
Please enter your name here