ՍԸԼԷՅՄԱՆ՝ ԱՄՐԱՊՆԴԵԼ ԱԶԳԱՅԻՆ ՄԻԱՍՆԱԿԱՆՈՒԹԻՒՆԸ, ԿԱՅՈՒՆՈՒԹԻՒՆԸ ԵՒ ՉԱՓԱՒՈՐԱԿԱՆՈՒԹԵԱՆ ՏՐԱՄԱԲԱՆՈՒԹԻՒՆԸ

0
125

Հանրապետութեան նախագահ Միշէլ Սըլէյման  իր այցելուներուն յայտնեց, թէ  Իրանի միջուկային  ծրագիրներուն վերաբերեալ համաձայնութիւնը  վայրագութեան,  բաժանումներու դէմ   երկխօսութեան եւ   քաղաքական  լուծումներու յաղթանակի նախամուտք մըն է: Սըլէյման ակնկալեց, որ   Վեցեակի հետ Իրանի   համաձայնութիւնը կարեւոր գործօն մը դառնայ  ի նպաստ՝  շրջանային կայունութեան եւ   խաղաղութեան:  Ան մաղթեց,  որ  Իրան – Վեցեակ  համաձայնութիւնը լիբանանեան  քաղաքական   բեմին վրայ կ’ունենայ իր դրական ազդեցութիւնը, ամրապնդելով  ազգային  միասնականութիւնը, կայունութիւնը եւ  թափաւորականութեան տրամաբանութիւնը:  Նախագահ Սըլէյման  ընդունեց  կենսոլորտի հրաժարեալ նախարար Նազէմ Խուրին,  երեսփոխաններ Միշէլ Ֆարաոնը Մուհամմէտ Հաժարը,  Լիբանանի մօտ Միացեալ Նահանգներու դեսպան Տէյվիտ Հէյլը, նախկին երեսփոխան  Ժըպրան Թոքը:

Լրատուական աղբիւրներ կը  հաւաստեն,  թէ Լիբանան  թեւակոխած է ապահովական նոր  հանգրուան մը՝ ահաբեկչութեան դէմ պայքարի  հանգրուանը: Ականատեսեր կը վկայեն, թէ  Թրիփոլիի մէջ անիշխանականութիւնը  յաջողած է շուքի տակ  պահել  կառավարութեան  ապահովական  ծրագիրը:  Յորդանանի մէջ ճիհատական կազմակերպութեան   ղեկավար  Իսամ  Պարղաուի, ծանօթ՝ Ապու Մուհամմէտ  Մաքտիսի անունով, յայտարարեց, թէ  Հըզպալլան պիտի դառնայ  սալաֆական  կազմակերպութիւններու առաջին թիրախը:

LEAVE A REPLY

Please enter your comment!
Please enter your name here