ԹՈՒՐՔԻՈՅ ՄԷՋ ՔՆՆՈԻԹԻՒՆՆԵՐԸ ՀԱՅԵՐԷՆՈՎ ՅԱՆՁՆԵԼՈՒ ՊԱՀԱՆՋԸ ՄԵՐԺՈՒԵՑԱՒ

0
113

Թուրքիոյ մէջ ազգային փոքրամասնութիւններուն պատկանող դպրոցներու ներկայացուցիչները, հանդիպելով Թուրքիոյ կրթութեան նախարարութեան ներկայացուցիչներու հետ՝ յայտնեցին զիրենք անհանգստացնող շարք մը հարցեր:
Թրքական «Միլլիյէթ» թերթը կը տեղեկացնէ, որ հայկական եւ յունական դպրոցներու տնօրէնները պահանջած են թոյլ տալ իրենց սաներուն՝ դպրոցական աւարտական քննութիւնները կատարել մայրենի լեզուով: Նախարարութեան ներկայացուցիչները ըսած են, որ այս տարի այլեւս ոչ մէկ փոփոխութիւն կատարել կարելի է, իսկ գալիք տարի հարցը կարելի է քննել:
Տնօրէնները, նշելով, որ դպրոցները դրամական աջակցութեան կարիք ունին՝ պահանջեցին  դպրոցներուն յատկացնել որոշ գումար մը: Սակայն այս պահանջը նոյնպէս մերժուեցաւ պետութեան ներկայացուցիչին կողմէ:
Ըստ թերթին՝ Պոլսոյ մէջ կան ազգային փոքրամասնութիւններու պատկանող 22 դպրոցներ, որոնց դասաւանդութեանց կը հետեւին 3 հազար հայ եւ մօտաւորապէս 350 յոյն աշակերտներ:

 

LEAVE A REPLY

Please enter your comment!
Please enter your name here