ԼԻԲԱՆԱՆԵԱՆ ԿԱՐՃ ԼՈՒՐԵՐ

0
129

–         Վաղը՝ Հինգշաբթի, Խորհրդարանական   արտաքին յարաբերութիւններու եւ  տեղեկատուութեան յանձնախումբերը, ՖԻՒՆԻՒԼ-ի խաղաղապահ ուժերու  ընդհանուր հրամանատար, զօրավար Փաուլօ Սիյէրայի, Եւրոպական Միութեան  դեսպան Անճելինա Էխորհըրսթի, ՄԱԿ-ի ընդհանուր քարտուղար Տերէք Փլամլիի,  մեծ պետութիւններու դեսպաններու ներկայութեան  պիտի քննարկեն իսրայէլեան  գաղտնալսումներու  եւ լրտեսութեան  թղթածրարը:

–         Նախկին երեսփոխան Ժան Օպէյտ  դիտել տուաւ, որ գարտինալ Պշարա Ռաայիի հրաժարականին մասին տարածուածանհին  տեղեկութիւնները ծանր հարուած մըն է անոր վարած  լայնախոհ եւ իմաստուն  քաղաքականութեան:  Օպէյտ  շեշտեց, թէ  գարտինալ Ռաայի   կարռտ  չէ՝ ուղղութիւն  ցոյց  տուողներու անհրաժեշտութեան:

–         Երեսփոխան Պահիա Հարիրի, Մաժտալունի  իր բնակարանի մէջ  ընդունեց պաղեստինեան խմբաւորումները  ներկայացնող պատուիրակութիւն մը:  Հարիրի, քննարկեց   Լիբանանի  եւ ի մասնաւորի պաղեստինեան  գաղթակայաններուն մէջ տիրող ապահովական կացութիւնը:  Հանդրիպումէն ետք, ան դիտել տուաւ, թէ  քաղաքական  բոլոր  կողմերը հաւաքական պատասխանատուութիւն կը կրեն, պահպանելու՝   երկրին ապահովական   կայունութիւնը:

–         Մարտ  14-ի ուժերու  ընդհանուր քարտուղարութիւնը գումարեց իր հերթական նիստը եւ  քննարկեց  Լիբանանեան  բեմին  վերջին զարգացումները:Նիստէն ետք  լոյս  ընծայուած  հաղորդագրութեան մէջ, Մարտ 14-ի ուժերու  ընդհանուր քարտուղարութիւնը  պահանջեց,որ Հըզպալլա իր  զօրքերը  հեռացնէ Սուրիոյ  հակամարտութենէն եւ վերադառնայ  օրինական իշխանութեան  հովանոցին տակ: Հաղորդագրութիւնը միաժամանակ    ողջունեց Ժընեւի  մէջ  կայացած Իրան – Վեցեակ համաձանութիւնը:

–         Ապահովական նոր բռնկում մը արձանագրուեցաւ Պապ Թըպենէի եւ Ճապալ Մուհսէնի միջեւ, որուն հետեւանքով   Թրիփոլիի առեւտրական  եւ կրթական հաստատութիւններու  մեծամասնութիւնը փակեցին իրենց դուռերը:

LEAVE A REPLY

Please enter your comment!
Please enter your name here