ՀԱՅԱՍՏԱՆԸ ԼԵՌՆԱՅԻՆ ՂԱՐԱԲԱՂԻ ԱՆՎՏԱՆԳՈՒԹԵԱՆ ԵՐԱՇԽԱՒՈՐՆ Է

0
122

Հայաստանի  պաշտպանութեան նախարար  Սէյրան Օհանեան այցելեց Ատրպէյճանի սահմանին  կից  գօտիներ եւ  սարքեց մամլոյ ասուլիս  մը: Օհանեան վեր առաւ հայ  սահմանապահներուն նուիրումը եւ անոնց  դրսեւորած խիզախութիւնը:  Այս առիթով, ան նշեց, թէ Հայաստան կը մնայ  Լեռնային Ղարաբաղի անվտանգութեան երաշխաւորը: Ինչ  կը վերաբերի յարձակումի մը  պարագային, Հայաստանի մէջ տեղակայուած ռուսական  102-րդ  զօրաբաժինի ներգրաւմանը կամ միջամտութեան, Օհանեան  դիտել տուաւ, թէ  բոլոր   պարտաւորութիւնները ամրագրուած են  երկկողմ  համաձանագիրներով եւ ՀԱՊԿ  կանոնագրութեամբ:  Ան ըսաւ, թէ  տարեսկիզբէն ի վեր, ներխուժումի  քանի մը  փորձ կատարած է Ատրպէյճան:

Օհանեան  նշեց, թէ Հայաստանի մէջ զօրակոչի  տարին  պիտի մնայ անփոփոխ՝ 18: Ան  աւելցուց, թէ այս ուղղութեամբ անհրաժեշտ է համապատասխան  վերաբերմունք ձեւաւորել հասարակութեան մէջ, բարոյապէս պատրաստել զօրակոչներուն: « Անոր մէջ  մեծ դեր ունի  ընտանիքը: Հայրենիքի   մասին մտածող  իւրաքանչիւր  քաղաքացի, հաշուի առնելով   բարդ   ռազմաքաղաքական իրավիճակը, պէտք է կատարէ իր պարտքը հայրենիքի առջեւ». ըսաւ  նախարարը:

LEAVE A REPLY

Please enter your comment!
Please enter your name here