ՂԱՐԱԲԱՂԻ ՀԱԿԱՄԱՐՏՈՒԹԻՒՆԸ ՉՈՒՆԻ ԶԻՆԵԱԼ ԼՈՒԾՈՒՄ

0
120

ԵԱՀԿ-ի մօտ Միացեալ Նահանգներու ներկայացուցիչ Տենիել Պայըր բացառեց զինեալ ձեւերով Լեռնային Ղարաբաղի հակամարտութեան կարգաւորումը: Ան նաեւ անդրադարձաւ  Ատրպէյճանի եւ Հայաստանի արտաքին գործոց նախարարներուն միջեւ 5- 6 Դեկտեմբերին կայանալիք հանդիպումին:
«Ղարաբաղեան հակամարտութիւնը ռազմական լուծում չունի: Այս առումով երկու երկիրներու նախագահներուն հանդիպումը, որ առաջինն էր վերջին երկու տարուան ընթացքին, կարեւոր քայլ է: Մենք ուրախ ենք, որ այս հանդիպումը պիտի ունենայ շարունակութիւն: Հանդիպելու կարելիութիւն պիտի տրուի երկու երկիրներու արտաքին գործոց նախարարներուն», յայտնած է ԵԱՀԿ-ի մօտ Միացեալ Նահանգներու ներկայացուցիչը: Ան չէ ուզած նախօրօք խօսիլ արտաքին գործոց նախարարներուն միջեւ կայանալիք հանդիպման բովանդակութեան մասին, սակայն վերահաստատած է Մինսքի խումբին աջակցելու ԵԱՀԿ-ի պատրաստակամութիւնը: «Միացեալ Նահանգներ ԵԱՀԿ Մինսքի խումբի համանախագահներէն է, եւ դեսպան Ուորլիքը անխոնջ կերպով կ՛աշխատի իր գործընկերներուն հետ: Մենք պիտի շարունակենք աջակցութիւն ցուցաբերել անոնց ջանքերուն՝ երկարատեւ տագնապի լուծում գտնելու նպատակով», յայտնեց  Տենիըլ Պայեր:

 

LEAVE A REPLY

Please enter your comment!
Please enter your name here