ՄԻՔԱԹԻ ԿԸ ՓՈՐՁԷ ՎԵՐԱԿԱՆԳՆԵԼ ՔԱԹԱՐԻ ՀԵՏ ՓՈԽՅԱՐԱԲԵՐՈՒԹԻՒՆՆԵՐԸ

0
101

Հրաժարեալ վարչապետ Նեժիպ Միքաթի,   առաւօտեան մեկնեցաւ  Արաբական  Ծոցի երկիրներ:  Վարչապետին  շրջագայութեան առաջին կայարանը եղաւ Քաթարը:  Տոհայի  օդակայանին մէջ Քաթարի վարչապետը  դիմաւորեց Միքաթիի պատուիրակութիւնը:   Միքաթի հանդիպում մը ունեցաւ Քաթարի իշխան Թամիմ Պըն  Համատ Ալ Թանիի հետ եւ  քննարկեց   Լիբանանի եւ  շրջանային  զարգացումները, որոնց մէջ՝ Սուրիացի  գաղթականներուն  Լիբանան հոսքը: Միքաթիի  գլխաւորած պատուիրակութեան մաս կը  կազմէին,  ներքին գործոց նախարար Մարուան Շարէլ,  տնտեսութեան նախարար Նիքոլա Նահաս,   ընկերային հարցերու  նախարար Ուայէլ Ապու Ֆաուր եւ  ընդհանուր ապահովութեան ընդհանուր  տնօրէն, հազարապետ Ապպաս Իպրահիմ:

Միքաթի  յայտարարեց,թէ Քաթար կատարած այցելութիւնը վերականգնած է երկու երկիրներու միջեւ  նախապէս  գոյութիւն ունեցող մասնայատուկ  յարաբերութիւնները:

Խորհրդարանի նախագահ Նեպիհ Պըրրի աւարտեց  Թեհրան  կատարած այցելութիւնը եւ  վերադարձաւ Պէյրութ:

LEAVE A REPLY

Please enter your comment!
Please enter your name here