«ՉԵՄՓԻԸՆԶ ԼԻԿ» – ՊԱՐՉԵԼՈՆԱ, ՉԵԼՍԻ ԱՆՑԱՆ «ՆՈՔ-ԱՈՒԹ» ՀԱՆԳՐՈՒԱՆԻՆ

0
116

Երեքշաբթի  երեկոյեան,  Եւրոպայի Ախոյեան Ակումբներու Ախոյեանութեան «Չեմփիընզ Լիկ»  բաժակի  խմբակային  հանգրուանի  մրցումներուն գծով  տեղի  ունեցան ութ հանդիպումներ: Ոմանք արձանագրեցին   յատկանշական արդիւնքներ:

Ը. Խմբակէն ներս,  Ամսթերտամի մէջ, տեղւոյն Այաքսը՝ իր սեփական դաշտին մէջ   2-1 արդիւնքով   յաղթանակ մը արձանագրեց Պարչելոնայի  դէմ:  Հոլանտացիները Ա. կիսախաղին  2-0 արդիւնքով  առաւելութիւն մը  հաստատեցին  Թուլանի Սերերոյի եւ  Տանի  Հոյէսընի կոլերուն շնորհիւ:  Պարչելոնա  ապահոված  է  «Նոք-աութ» հանգրուանի ուղեգիրը, սակայն  պարտութիւնը  ծանր ազդեցութիւն ձգեց սպանացիներուն վրայ: Զաւի՝ երկրորդ  կիսախաղին  կրճատեց  տարբերութիւնը: Միեւնոյն խմբակին մէջ,  Ա.Սէ. Միլան՝  3-0 արդիւնքով պարտութեան մատնեց  Սելթիքը:   Վերջին  հանգրուանին,Միլանի եւ  Այաքսի  միջեւ կայանալիք  մրցումին  յաղթողը պիտի  ընկերանայ  Պարչելոնային:

Ե. Խմբակէն ներս,  Չելսի՝  1-0 արդիւնքով պարտութիւն մը կրեց Պասէլէն, սակայն  ապահովեց  յաջորդ  հանգրուանի ուղեգիրը:  Շալքէ –  Սթեուա  հանդիպումը վերջ գտաւ  0-0  հաւասարութեամբ:

Զ.Խմբակէն ներս, Արսենալ՝  2-0 արդիւնքով պարտութեան մատնեց Մարսէյը:  Ճէք Ուիլշայր նշանակեց «Կանըրզ»ներուն զոյգ կոլերը:  Միեւնոյն  խմբակին մէջ, Պորուսիա Տորթմունտ՝ 3-1 արդիւնքով պարտութեան մատնեց  Նափոլին:

Ստորեւ, մրցումերուն արդիւնքները,

Ե.ԽՄԱԿ

 Պասէլ  – Չելսի՝ 1-0

Շթէուա Պուքարեսթ –  Շալքէ  04՝ 0-0

Զ-ԽՄԲԱԿ

Արսենալ  – Մարսէյ՝ 2-0

Պորուսիա Տորթմունտ – Նափոլի՝ 3-1

Է.ԽՄԲԱԿ

Զենիթ  –  Աթլեթիքօ Մատրիտ՝1-1

Փորթօ – Աւստրիա Վիեննա՝ 1-1

Ը.ԽՄԲԱԿ

Այաքս  -Պարչելոնա՝ 2-1

 Սելթիք – Ա.Սէ. Միլան՝ 0-3

 

LEAVE A REPLY

Please enter your comment!
Please enter your name here