ՎԼԱՏԻՄԻՐ ՓՈՒԹԻՆ 2 ԴԵԿՏԵՄԲԵՐԻՆ ՊԻՏԻ ԺԱՄԱՆԷ ՀԱՅԱՍՏԱՆ

0
109

 Հայաստանի   նախագահ Սերժ Սարգսեանի հրաւէրով,  Ռուսիոյ նախագահ Վլատիմիր Փութին, Երկուշաբթի 2  Դեկտեմբերին պիտի  ժամանէ  Երեւան:  Նախագահներ Սարգսեան եւ Փութին Երեւանի մէջ պիտի  մասնակցին շարք մը  միջոցառումներու, որոնց մէջ՝  հայ-ռուսական  միջտարածքային  համաժողովին: Անոնք պիտի այցելեն Կիւմրիի մէջ տեղակայուած ռուսական 102-րդ  ռազմակայանը: Երեւանի մէջ  տեղի պիտի ունենան  երկկողմ բանակցութիւններ: Կողմերը պիտի քննարկեն 3 Սեպտեմբերին, նախագահ Սերժ Սարգսեանի Մոսկուա կատարած այցելութեան  ընթացքին ձեռք բերուած համաձայնութիւններուն  կատարման ընթացքը:  Նախագահները պիտի ստորագրեն երկկողմ  յարաբերութիւնները ամրապնդելու եւ համագործակցութիւնը խորացնելու ուղղուած շարք մը   փաստաթուղթեր:  Նախագահները  նաեւ  հանդիպում մը  պիտի  ունենան լրագրողներու հետ ու պատասխանեն անոնց հարցումներուն:

 

 

LEAVE A REPLY

Please enter your comment!
Please enter your name here