ԱՏՐՊԷՅՃԱՆ ԵՒՍ ՀՐԱԺԱՐԵՑԱՒ ԵՒՐՈՊԱԿԱՆ ՄԻՈՒԹԵԱՆ ՀԵՏ ԸՆԿԵՐԱԿՑՈՒԹԵՆԷՆ

0
127

Ատրպէյճանի նախագահի աշխատակազմի ղեկավարի տեղակալ Նովրուզ Մամետով յայտարարեց, որ Ատրպէյճան չի պատրաստուիր Եւրոպական Միութեան հետ ընկերակցութեան համաձայնագիրի ստորագրութեան՝ աւելցնելով. «Մենք կ՛ուզենք պատրաստել փաստաթուղթ մը, որ աւելի լաւ պիտի համապատասխանէ մեր յարաբերութիւններուն եւ Եւրոպական Միութեան հետ համագործակցութեան մակարդակին»:
Ան նշեց, թէ Պաքու Եւրոպական Միութեան առաջարկած է, որ հաշուի առնելով համագործակցութեան արդէն իսկ ձեռք բերուած մակարդակը՝ ստորագրուի գործընկերութեան համաձայնագիր: «Նման համաձայնագիր մը պիտի արտացոլացնէ երկկողմ համագործակցութեան մակարդակը եւ պիտի ապահովէ փոխադարձ յարգանք եւ կողմերու հաւասարութիւն», ընդգծեց Մամետով:
Մամետով նաեւ հերքեցէ այն պնդումները, թէ ընկերակցութեան համաձայնագիրէն Ատրպէյճանի հրաժարումը Ռուսիոյ կողմէ ճնշումներու արդիւնք է:
Յայտնենք, թէ Ատրպէյճանն ու Եւրոպական Միութիւնը որոշած են ստորագրել մուտքի արտօնագիրի դրութեան դիւրացման համաձայնագիր:

 

 

LEAVE A REPLY

Please enter your comment!
Please enter your name here