Թուրք Պատմաբանը Ցեղասպանութեան Մասին Աթաթուրքի Խօսքերով Գիրք Մը Պիտի Տպէ Էրտողանի Համար

0
122

Թուրք յայտնի պատմաբան, Հայոց ցեղասպանութեան մասին բազմաթիւ աշխատութիւններու հեղինակ Թաներ Աքչամը յայտնած է, թէ յատուկ Թուրքիոյ վարչապետ Ռեճէպ Թայիպ Էրտողանի համար աշխատութիւն մը պիտի պատրաստէ, ուր պիտի ներկայացնէ Աթաթուրքի խօսքերը հայերու տեղահանութեան եւ կոտորածներու մասին:

Թրքական Taraf-ին մէջ տեղադրուած հրապարակման մէջ թուրք յայտնի պատմաբան Թաներ Աքչամն անդրադարձած է Տիարպէքիրի մէջ Թուրքիոյ վարչապետ Ռեճէպ Թայիպ Էրտողանի արտայայտած «Քուրտիստան» եզրոյթին, որմէ ետք վարչապետը ըսած է, թէ ինքը կը կրկնէ Մուսթաֆա Քեմալ Աթաթուրքի 1920-ականներու քաղաքականութիւնն ու խօսքերը:

«Երբ Էրտողանը իր արտայայտութիւնները վկայակոչեց Աթաթուրքին, կարծես թէ ոչ մէկը չառարկեց, սակայն Աթաթուրքը 1920-ին արտայայտութիւններ ըրած է նաեւ 1915-ի հայերու տեղահանութեան եւ կոտորածներու մասին եւ չէ ժխտած տեղի ունեցած ողբերգութեան փաստը, ինչ որ կ’ընէ ներկայիս վարչապետ Էրտողանը:

Եւ ես որոշեցի Էրտողանի համար  գիրք մը պատրաստել, ուր կը հաւաքեմ 1915-ի վերաբերեալ Աթաթուրքի խօսքերը»,-գրած է Թաներ Աքչամ:

 

LEAVE A REPLY

Please enter your comment!
Please enter your name here