ԻՊՐԱՀԻՄԻ՝ ԿՈՂՄԵՐԸ ՀԱՄՈԶՈՒԱԾ ԵՆ ԵՐԿԽՕՍՈՒԹԵԱՆ

0
101

Սուրիոյ  հարցով ՄԱԿ-ի եւ Արաբական Լիկայի   պատուիրակ Լախտար Իպրահիմի  յայտնեց, թէ   իշխանութիւնները եւ  ընդդիմութիւնը   եկած են այն համոզումին, թէ   հակամարտութիւնը անհնար է  լուծել  ռազմական  ճանապարհով: ՄԱԿ-ի մօտ Սուրիոյ   ներկայացուցիչ  Պաշշար Ալ Ճաաֆարի  դիտել տուաւ, թէ  Ապահովութեան Խորհուրդը  ցարդ անպատասխան  ձգած է  ահաբեկիչներու ներխուժման մասնին Սուրիոյ   259 նամակները: Քիմիական զէնքերու  գործածութիւնը արգելակող կազմակերպութեան  ընդհանուր տնօրէն Ահմէտ  Օզոմճու  դիտել տուաւ, թէ  Սուրիոյ  քիմիական զէնքերուն  չէզոքացումը կը  գրաւէ  լուրջ մարտահրաւէրներ:  Ան  զգուշացուց, որ  երկրին ապահովական իրավիճակը  չարտօներ   քիմիական զէնքերը  դուրս բերել Սուրիայէն:

Միւս կողմէ, Արաբական Լիկայի ընդհանուր քարտուղար Նեպիլ Արապի  յայտնեց, թէ Սուրիոյ   վերանդամակցութիւնը  կախեալ է  «Ժընեւ-2» խորհրդաժողովին արդիւնքէն: Արաբական Լիկան անցնող Փետրուարին սառեցուցած էր իր կազմէն  Սուրիոյ անդամակցութիւնը:

Ռազմական գետնի վրայ,  սուրիական բանակը  իր  հակակշիռին տակ վերցուց Տէր Աթիյէ, Նապք եւ Մազարիյ  Ռիմա շրջանները:

LEAVE A REPLY

Please enter your comment!
Please enter your name here