ԼԻԲԱՆԱՆԵԱՆ ԿԱՐՃ ԼՈՒՐԵՐ

0
121

– «Ֆորում Տը Պէյրութ»ի մէջ  ծագած  հրդեհ մը արտակարգ խճողում ստեղծեց Քարանթինայի մայրուղիին  երկարութեան: Քաղաքային ծառայութեան միաւորներ փութացին   հրդեհին վայրը  եւ ձեռնարկեցին  փրկարար աշխատանքներուն:  Հրդեհին  պատճառները կը մնան անորոշ: 

 -Լրատուական աղբիւրներու  համաձայն,  Այն Հելու  գաղթակայանը  զինակոչի աննախընթաց քայլերու ականատեսը  դարձած  է: Ճապհաթ Ալ Նասրա եւ Քեթէյիպ Ապտալլա Ազամ  կազմակերպութիւնները համացանցի միջոցաւ  զինեալներ կը հաւաքագրեն: Գալով,  Ահմէտ Ասիրի հետքերուն,  լրատուական տուեալներ կը հաղորդեն, թէ անիկա փոխադրուած է Քալամուն:

-Լրատուական աղբիւրներ կը հաղորդեն,թէ լուսարձակներէ հեռու՝  Ուալիտ Ճոմպլաթ, Ուիամ Ուահապ եւ Թալալ  Արսլան    հանդիպումի մը  նախապատրաստութիւններ տեղի կ’ունենան:  Հանդիպման  ընթացքին պիտի  քննարկուի տիւրզի համայնքին իրավիճակը,ինչպէս  նաեւ լիբանանեան բեմին վերջին զարգացումները:

– Լիբանանի  համար ստեղծուած Միջազգային Ատեանի  ներկայացուցիչ մը յայտնեց, թէ  նախկին վարչապետ Ռաֆիք Հարիրիի սպանութեան առնչութեամբ  ամբաստանեալներուն  թիւը պիտի  բարձրանայ  30-ի:

-Մարոնիներու  Պշարա Ռայի  գարտինալը  Պըքերքէի մէջ ընդունեց Մուսթաքպալ Հոսանքի անդամներ  Ահմէտ Ֆաթֆաթը եւ  Հետի Հըպէյշը: Ֆաթֆաթ  նշեց, թէ Ռաայի հետ քննարկած է նախագահական  ընտրութիւններու  գործընթացը:

-Ընդհանուր  անվտանգութեան ընդհանուր տնօրէն, հազարապետ Ապպաս Իպրահիմ  կը մնայ Տոհա՝  հետեւելու  Հալէպի մէջ  առեւանգուած երկու  եպիսկոպոսները ազատ արձակելու ուղղութեամբ  տեղի ունեցող  բանակցութիւններուն:

LEAVE A REPLY

Please enter your comment!
Please enter your name here