ՄԻՔԱԹԻ ԻՐ ՊԱՂԵՍՏԻՆՑԻ ՊԱՇՏՕՆԱԿԻՑԷՆ ՊԱՀԱՆՋԵՑ ՄԵՂՄԱՑՆԵԼ ԳԱՂԹԱԿԱՅԱՆՆԵՐՈՒՆ ՄԷՋ ԼԱՐՈՒԱԾՈՒԹԻՒՆԸ

0
117

 Հրաժարեալ վարչապետ Նեժիպ Միքաթի  երէկ կէսօրին ընդունեց Պաղեստինեան Իշխանութեան  իր  պաշտօնակիցին  Ռամի Համտ Ալլային: Ընդունելութեան պաշտօնական արարողութենէն  ետք, անոնք ունեցան առանձնազրոյց մը, ապա՝ ընդլայնուած   խորհրդակցութիւն մը:  Միացեալ  մամլոյ ասուլիսի  մը ընթացքին,  երկու  վարչապետները յայտնեցին, թէ  քննարկած են  պաղեստինեան  գաղթակայաններուն մէջ  տիրող լարուածութիւնը  մեղմացնելու կարելիութիւնները:  Համտալլա  ընդգծեց, թէ  գաղթակայանները  կ’իյնան   լիբանանեան  գերիշխանութեան տակեւ   ենթակայ են  լիբնանեան օրէնսդրութեան:

Միքաթի երէկ առաւօտեան ընդունեց   Նորվեկիոյ արտաքին գործոց նախարարութեան միջինարեւելեան  հարցերու  պատուիրակ   Ժան  Հինզ  Պորը:  Միքաթի  իր հիւրին հետ քննարկեց  Լիբանան ապաստանած  սուրիացի  գաղթականներուն  մարդասիրական  օժանդակութիւն  հայթայթելու  կարելիութիւնները:   Վարչապետը յայտարարեց,թէ   Տոհա  կատարած այցելութեան  ընթացքին՝  Լիբանան-Քաթար  միացեալ  յանձնախումբեր կազմելու  համաձայնութիւն մը  կնքած  է Քաթարի իշխանութիւններուն հետ:  Միւս կողմէ, վարչապետին Քուէյթ  նախատեսուած այցելութիւնը պիտի ուշանայ:  Միքաթի  երէկ ընդունեց Լիբանանի մօտ Միացեալ Նահանգներու դեսպան Տէյվիտ Հէյլը եւ անոր հետ  քննարկեց սուրիացի  գաղթականներուն մարդասիրական  օժանդակութիւն  հայթայթելու կարելիութիւնները:  Դեսպանը  հանդիպումէն ետք  յայտարարեց, թէ  առ ճակատումը պիտի շարունակուի Իրանի դէմ, հակառակ  ստեղծուած փոխհասկացողութեան:  Հէյլ  նաեւ այցելեց  նորանշանակ  վարչապետ Թամամ Սալամին:

Լիբանանեան շրջանակներ կ’ակնկալեն, որ Քալամունի  ճակատամարտին լոյսին տակ  շուրջ  երկու հարիւր հազար  սուրիացիներ հատեն լիբանանեան սահմանը…:  Ելեւմտական  հարցերու նախարարի պաշտօնակատար  Մուհամմէտ Սաֆատի   դիտել տուաւ, թէ նախարարութիւնը ցարդ  չէ ստացած  սուրիացի գաղթականներու  օժանդակութեան համար պահանջած վարկը:

Խորհրդարանի նախագահ Նեպիհ Պըրրի  միջնորդութեան  պատրաստակամութիւն յայտնեց  Իրանի եւ  Սէուտական Արաբիոյ միջեւ:  Պըրրի՝ ծայր աստիճան յաջող գնահատականը տուաւ  Թեհրան կատարած այցելութեան, աւելցնելով  որ  Թեհրան- Ռիատ  յարաբերութիւններու մեղմացումը իր դրական ազդեցութիւնը պիտի ունենայ  լիբանանեան զարգացումներուն վրայ:

LEAVE A REPLY

Please enter your comment!
Please enter your name here