«ՉԵՄՓԻԸՆԶ ԼԻԿ» ՊԱՅԵՐՆ ԱՐՁԱՆԱԳՐԵՑ 10-ՐԴ ՅԱՋՈՐԴԱԿԱՆ ՅԱՂԹԱՆԱԿԸ

0
119

Չորեքշաբթի,  երեկոյեան,  Եւրոպայի Ախոյեան  Ակումբներու Ախոյեանութեան «Չեմփիընզ Լիկ»  մրցաշարքի  խմբակային հանգրուանի  մրցումներուն  գծով,  Պայերն Միւնիխ սոյն մրցաշարքին  մէջ արձանագրեց իր տասերորդ յաջորդական  յաղթանակը, երբ  3-1 արդիւնքով  պարտութեան մատնեց  Մոսկուայի Բանակայինները:  Արիան  Ռոպեն, Մարիօ  Կէոցէ եւ  Թոմաս Միւլըր նշանակեցին Փեփ Կուարտիոլայի   կազմին կոլերը: Միեւնոյն՝  Դ.Խմբակին մէջ,  Մանչեսթըր Սիթի՝  4-2 արդիւնքով  պարտութեան մատնեց Վիթորիա Փլզէնը:  Սերժիօ Ակուերօ,  Սամիր Նասրի,  Ալվարօ  Նեկրետօ եւ  Էտին Զեքօ   նշանակեցին  Սիթիի կոլերը:

Բ.Խմբակին մէջ,  Ռէալ Մատրիտ՝  4-1 արդիւնքով  պարտութեան մատնեց Կալաթասարայը:  Կարէթ Պէյլ, Ալվարօ  Արպէոլա  եւ  Անկէլ  Տի Մարիա  նշանակեցին  արքայական խումբին  կոլերը: Միւս կողմէ, Արթուրօ  Վիտալ նշանակեց Եուվենթուսի  երեք   կոլերը,  Գոփենհակենի դէմ իր  կազմին  արձանագրած  3-1 յաղթանակին:

Գ. Խմբակին մէջ  Պենֆիքա բարելաւեց «Նոք Աութ»   հանգրուանին  հասնելու իր կարելիութիւնները, երբ  Պրիւքսէլի մէջ՝  3-2 արդիւնքով  պարտութեան մատնեց տեղւոյն Անտերլեխթը:   Փարի  Սէն Ժերմէն՝  Փարիզի մէջ,  2-1 արդիւնքով պարտութեան մատնեց  Օլիմփիաքոսը:  Զլաթան  Իպրահիմովիչ եւ  Էտինսոն  Գաւանի նշանակեցին ֆրանսական խումբին կոլերը:  

Ա.Խմբակին մէջ Մանչեսթըր  Եունայթըտ  5-0 արդիւնքով պարտութեան մատնեց  Պայէր  Լեվերքուզենը:  Անթոնիօ Վալենսիա,  Ճոնի Էվընզ,  Քրիս Սմոլինկ,  Նանի եւ  Էմիր Սֆահիչ (սեփական  բերդէն ներս) նշանակեցին «Կարմիր Սատանաներ»ուն կոլերը:  Միւեւնոյն խմբակին մէջ,  Շախտիոր Տոնեցք՝   4-0 արդիւնքով պարտութեան մատնեց  Ռէալ Սոսիետատը:

Ստորեւ, մրցումներուն արդիւնքները,

Ա. ԽՄԲԱԿ

Շախտիոր Տոնեցք  –  Ռէալ Սոսիետատ՝ 4-0 

Պայեր  Լեվերքուզեն  – Մանչեսթըր Եունայթըտ՝  0-5

Բ.ԽՄԲԱԿ

Եուվենթուս –  Էֆ.Սի. Գոփենհակեն՝ 3-1

Ռէալ Մատրիտ –  Կալաթասարայ՝ 4-1

Գ.ԽՄԲԱԿ

Փարի Սէն Ժերմէն –  Օլիմփիաքոս՝2-1

Անտերլեխթ  –  Պենֆիքա՝  2-3

Դ.ԽՄԲԱԿ

Մոսկուայի  Բանակայիններ –  Պայերն Միւնիխ՝ 1-3

Մանչեսթըր Սիթի  –  Վիթորիա Փլզեն՝ 4-2

 

LEAVE A REPLY

Please enter your comment!
Please enter your name here