ԱՊՊԱՍ ՊԻՏԻ ՉՍՏՈՐԱԳՐԷ ՊԱՂԵՍՏԻՆՑԻ ԺՈՂՈՎՈՒՐԴԻՆ ՑԱՆԿՈՒԹԻՒՆՆԵՐՈՒՆ ԴԷՄ ՈՐԵՒԷ ՀԱՄԱՁԱՅՆԱԳԻՐ

0
125

Պաղեստինեան Իշխանութեան նախագահ Մահմուտ Ապպաս  յայտարարեց, թէ պիտի  չստորագրէ  պաղեստինցի   ժողովուրդին  համոզումներուն դէմ որեւէ   համաձայնագիր: Ապպաս  շեշտեց  1967-ի սահմաններով պետութիւն մը՝ Արեւելեան  Երուսաղէմը ունենալով իբրեւ անոր   մայրաքաղաք:  Ապպաս  սոյն յայտարարութիւնը կատարեց, ՄԱԿ-ի  մօտ պաղեստինեան պետութեան դիտորդի կարգավիճակ շնորհուելու  առաջին տարեդարձին առիթով:  Ան անգամ մը եւս դատապարտեց  բռնագրաւեալ   հողերու վրայ իսրայէլեան  բնակութեան  ծրագիրները,  դիտել տարով, որ պաղեստինցիները  բանակցութիւններու սեղան պիտի  վերադառնան այն պարագային, երբ Իսրայէլ կը  ստանձնէ    բնակութեան  ծրագիրները  դադրեցնելու  յանձնառութիւն մը: 

Նշենք, թէ  Միացեալ Նահանգներու պետական քարտուղար  Ճոն Քերրի  յառաջիկայ  շաբթուան  ընթացքին պիտի  այցելէ  Թել Աւիւ եւ Ռամալլա՝ խաղաղութեան բանակցութիւններուն նոր թափ  մղելու  մտադրութեամբ:   

 

LEAVE A REPLY

Please enter your comment!
Please enter your name here