ԱՐԵՒԵԼԵԱՆ ԳՈՐԾԸՆԿԵՐՆԵՐ ՓՆՏՌԵԼՈՒ ԽՈՐՀՐԴԱԺՈՂՈՎԸ ՀԱՄԵՍՏ ԱՐԴԻՒՆՔՆԵՐՈՎ ՓԱԿՈՒԵՑԱՒ

0
114

Լիթվիայի  մայրաքաղաք Վիլնիուսի մէջ աւարտեցաւ «Արեւելեան  Գործընկերութեան» խորհրդաժողովը: Խորհրդաժողովը  չարդարացուց իր վրայ  դրուած յոյսերը:  Մոլտովայէն բացի,  մնացեալ պետութիւնները, ուղղակի  կամ անուղղակի մերժեցին  գործընկերութեան  առաջարկը: Վրաստան եւ Մոլտովա  ստորագրեցին  գործընկերութեան նախնական համաձայնագիր մը, իսկ  Ատրպէյճանի հետ ստորագրուեցաւ անցագրային դրութիւնը  դիւրացնելու  մասին համաձայնագիր մը: Համաձայնագիրներ ստորագրելու  հանդիսաւոր արարողութիւնը աւարտեցաւ  առանց  Ուքրանիոյ կողմէ  զայն ստորագրելու: Նշենք, թէ  խորհրդաժողովին մասնակցեցան  Հայաստանի  հանրապետութեան նախագահ Սերժ Սարգսեանը եւ արտաքին  գործոց նախարար Էտուարտ Նալպանտեանը:  Խորհրդաժողովին  ծիրին մէջ,  արտաքին  գործոց նախարար Էտուարտ Նալպանտեան  հանդիպում մը  ունեցաւ  Եւրոպական Միութեան արտաքին  քաղաքականութեան գլխաւոր   բաանգնաց  Քաթրին Աշթընի հետ: Աշթըն եւ  Նալպանտեան  փոխանակեցին նամակներ:

Խորհրդաժողովի ընթացքին հրապարակուեցաւ Հայաստան-Եւրոպական Միութիւն Յայտարարութիւն մը, որուն մէջ կը շեշտուի երկու կողմերուն  միջեւ սերտ  կապերու առկայութիւնը եւ կը  վերահաստատուի Արեւելեան Գործընկերութեան շրջանակներու մէջ  իրենց յարաբերութիւնները աւելի զարգացնելու   յանձնառութիւնը:  Կողմերը միաժամանակ համաձայնութիւն կը  յայտնեն, որ  անհրաժեշտ է արդիականացնել  Եւրոպական Միութիւն – Հայաստան դրացնութեան  քաղաքականութեան գործողութիւններու  ծրագիրը:

Եւրոպական  Միութեան նախագահ  Հերման  Վան  Ռոմփոյ   եզրակացնելով խորհրդաժողովին արդիւնքները,  յայտարարեց, թէ Եւրոպական  Միութիւնը պատրաստ է  ցանկացած պահուն վերսկսելու  Ուքրանիոյ հետ անդամակցութեան  բանակցութիւնները:

 

LEAVE A REPLY

Please enter your comment!
Please enter your name here