ԼԵՐԻ ՔԻՆԿԻ ԱՆՈՒՆԸ ՊԻՏԻ ԱՆՑՆԻ ԱՏՐՊԷՅՃԱՆԻ «ՍԵՒ ՑԱՆԿ»ԻՆ ՄԷՋ…

0
119

Յայտնի հեռուստամեկնաբան, ամերիկեան CNN հեռուստաընկերութեան նախկին հաղորդավար Լերի Քինկը ներկայ  գտնուած է «Հայաստան» Համահայկական Հիմնադրամի «Հեռուստամարաթոն 2013»-ին: «Արմէնփրէս»-ի փոխանցմամբ` հաղորդավարը զրուցած է Լեռնային Ղարաբաղի նախագահ Բակօ Սահակեանի հետ, ստացած Արցախ այցելելու հրաւէր, որուն դրական  արձագանքած է: Հեռուստամարաթոնի ժամանակ ուղիղ եթերով լրագրողի հետ զրոյցի ընթացքին այդ մասին տեղեկացուց Տէր Յովնան արքեպիսկոպոս Տէրտէրեան:

«Հաւանաբար, մօտ ժամանակներս Լերի Քինկը կ’այցելէ Արցախ»,-նշեց Տէր Յովնան արքեպիսկոպոս Տէրտէրեան:

«Դէպի Արցախ» խորագիրով 16-րդ hեռուստամարաթոնը մեկնարկած է նոյեմբեր 28-ին Երեւանի ժամանակով 20.00-ին եւ  շարունակուած  մինչեւ յաջորդ առաւօտ` ժամը 08.00: «Հեռուստամարաթոն 2013»-ին նուիրաբերուած գումարները պիտի ուղղուին Վարդենիս-Մարտակերտ` Հայաստան Արցախին կապող սոցիալ-տնտեսական կարեւոր նշանակութեան ճանապարհի կառուցման: Մինչ հեռուստամարաթոն իրականացուած դրամահաւաք-ճաշկերոյթներուն, հեռախօսամարաթոններուն, փոստային հանգանակութիւններուն միջոցով հաւաքուած գումարներն ալ պիտի ուղղուին գիւղատնտեսական ծրագիրներու ընդլայնման Հայաստանի Տաւուշի մարզին մէջ, համայնքային կեդրոններու կառուցման Լեռնային Ղարաբաղի, Վարդենիս-Մարտակերտ ճանապարհի, ինչպէս նաեւ Սուրիոյ մէջ հայկական դպրոցներու կառուցման: Նախորդ տարի` «Հայաստան» համահայկական հիմնադրամի «Մեր գիւղը» կարգախօսով 15-րդ հեռուստամարաթոնի աւելի քան 12 ժամ տեւած հանգանակութեան արդիւնքով հաւաքուած էր 21 միլիոն 422 հազար 477 տոլար` մօտ 8.5 մլրդ դրամ:

Յատկանշական է, որ Լերի Քինկը, որ աշխարհահռչակ հեռուստատեսային եւ ռատիօ հաղորդավար է, 25 տարի CNN-ի եթերով հեղինակային հաղորդում  վարած է, հիւրընկալուած էր հեռուստամարաթոնին:

 

LEAVE A REPLY

Please enter your comment!
Please enter your name here