Հայաստանի Ու ԵՄ-ի Միջեւ Ընդունուած Է Համատեղ Յայտարարութիւն

0
134

 Վիլնիւսի մէջ ընթացող Արեւելեան գործընկերութեան պետութիւններու ղեկավարներու գագաթնաժողովի ծիրէն ներս, Nոյեմբեր 29-ին, Հայաստանի ու ԵՄ-ի միջեւ ընդունուած է  համատեղ յայտարարութիւն:

Յայտարարութեան մէջ ըսուած է.

«Եւրոպական Միութիւնն ու Հայաստանը ունին սերտ կապեր ու կը վերահաստատեն իրենց յանձնառութիւնը աւելի զարգացնելու եւ ամրապնդելու Արեւելեան գործընկերութեան ծիրէն ներս փոխադարձ հետաքրքրութիւն ներկայացնող բոլոր ոլորտներուն մէջ համապարփակ համագործակցութիւնը:

Հենուելով ընդհանուր արժէքներու վրայ, երկու կողմերը յանձնառու են զարգացնելու համագործակցութիւնը` ուղղուած ժողովրդավարական հաստատութիւններու եւ
դատական համակարգի շարունակական բարելաւման, մարդու իրաւունքներու եւ օրէնքի գերակայութեան խթանման, արդիւնաւէտ կառավարման, կաշառակերութեան դէմ պայքարին, քաղաքացիական հասարակութեան ամրապնդման, առեւտուրի ու ներդրումներու ընդլայնման համար միջավայրի յետագայ կատարելագործման, շարժունակութեան գործընկերութեան շարունակական իրականացման եւ ոլորտային համագործակցութեան ընդլայնման:

Եւրոպական միութիւնը եւ Հայաստանը կը շեշտեն իրենց ընդհանուր ձգտումը համագործակցութեան գործող շրջանակի հիման վրայ երկկողմ յարաբերութիւններու հիմքին անդրադառնալու կարեւորութիւնը:

Եւրոպական Միութիւնն ու Հայաստանը կ’արձանագրեն, որ աւարտած են ընկերակցութեան Համաձայնագիրի, Խոր ու Համապարփակ Ազատ Առեւտուրի Գօտիի շուրջ բանակցութիւնները, սակայն, չեն նախաստորագրեր այն, քանի որ Հայաստանը ունի նոր միջազգային յանձնառութիւններ:

Կողմերը համաձայն են, որ անհրաժեշտ է արդիականացնել ԵՄ-Հայաստան եւրոպական հարեւանութեան քաղաքականութեան Գործողութիւններու ծրագիրը»:

LEAVE A REPLY

Please enter your comment!
Please enter your name here