ՄԻՔԱԹԻ ՑԱՒ ՅԱՅՏՆԵՑ ՆՈՐ ԿԱՌԱՎԱՐՈՒԹԵԱՆ ՈՒՇԱՑՈՒՄԷՆ

0
142

Հրաժարեալ  վարչապետ  Նեժիպ   Միքաթի յայտնեց, թէ Միացեալ Նահանգներ նոր  նախաձեռնութիւն մը  ներկայացուցած է  Լիբանանի  ծովային  նաւթին վերաբերալ:  Լրատուական աղբիւրներ կը հաւաստեն, թէ  Միացեալ Նահանգներ  ծովային «Կապոյտ Գիծ» մը առաջարկած է   Լիբանանի եւ  Իսրայէլի միջեւ: Միքաթի յայտնեց,թէ իր կարծիքով, ամերիկեան առաջարկը կ’ընդգրկէ տրամաբանական  կէտեր:  Ան նշեց, թէ յառաջիկայ  քանի մը  օրերուն ընթացքին, այս մասին   խորհրդակցութիւններ պիտի  ունենայ հանրապետութեան նախագահին, խորհրդարանի նախագահին, ուժանիւթի նախարարին եւ այլ անձնաւորութիւններու հետ:  Վարչապետը  միաժամանակ  ցաւ  յայտնեց    նոր   կառավարութեան  ուշացումէն:  Լրատուական աղբիւրներ  կը հաղորդեն, թէ  Միքաթի՝ ֆրանսական  իշխանութիւններէն խնդրած է  Մարտ  14-ի  ուժերը համոզել, որպէսզի  ընդունին  9-9-6 տարազով կառավարութիւն մը:

Վարչապետ Նեժիպ Միքաթի  մասնակցեցաւ, Ռիատ Սոլհ հրապարակին մէջ,  Պաղեստինցի ժողովուրդին Համերաշխութեան  միջազգային օրուան հանդիսութեան: Այս  առիթով խօսք  առնելով,   Միքաթի  ընդգծեց, թէ  համայն աշխարհը  հրաւիրուած է   կասեցնելու  Սուրիոյ  արիւնահոսութիւնը եւ  օգնութեան   միջոցներ  հայթայթելու Լիբանանին: Հանդիսութեան խօսք առաւ նաեւ Պաղեստինի Իշխանութեան վարչապետ Ռամի Համտալլան:  Ան  շեշտեց, որ   Լիբանանի տարածութեան մէջ  գտնուուղ պաղեստինեան  գաղթակայանները ենթակայ  են   լիբանանեան  օրէնսդրութեան:

Միքաթի   ընդունեց ՄԱԿ-ի կից  գաղթականաց հարցերու  պաշտօնակատր  Անթոնիօ   Կութիյերէսը եւ  անոր հետ  քննարկեց  սուրիացի   գաղթականներուն   օժանդակութիւններ  յատկացնելու   կարելիութիւնները:  Հանդիպումէն  ետք,  Կութիյէրես  նշեց, թէ  օժանդակութիւնները նոյնքան անհրաժեշտ են  Լիբանանին, որքան՝ սուրիացի գաղթականներուն:  Վարչապետը  նաեւ   ընդունեց  բանակի ընդհանուր  հրամանատար  զօրավար Ժան Քահուաճին եւ  քննարկեց  երկրին ապահովական իրավիճակը:

LEAVE A REPLY

Please enter your comment!
Please enter your name here