ՆԱԽԱԳԱՀ ՍԱՐԳՍԵԱՆ ՀԱՆԴԻՊԵՑԱՒ ՖՐԱՆՍՈՒԱ ՀՈԼԱՆՏԻ ՀԵՏ

0
119

Աշխատանքային այցով Լիթվիոյ Հանրապետութիւն գտնուող նախագահ Սերժ Սարգսեան Վիլնիւսի մէջ երկկողմ ձեւաչափով շարք մը հանդիպումներ ունեցաւ: Սերժ Սարգսեանի հանդիպում մը   ունեցաւ Արեւելեան գործընկերութեան պետութիւններու ղեկավարներու երրորդ գագաթնաժողովին մասնակցելու նպատակով Վիլնիւս ժամանած  Ֆրանսայի նախագահ Ֆրանսուա Հոլանտի հետ:Երկրի ղեկավարի մամուլի գրասենեակի հաղորդումով, զրուցակիցները գոհունակութեամբ խօսած են հայ-ֆրանսական քաղաքական բարձր մակարդակի երկխօսութեան մասին, ընդգծելով, որ բարեկամ երկու երկիրներու միջեւ յարաբերութիւններու զարգացման զգալիօրէն կը նպաստեն յաճախակի փոխայցելութիւնները, փոխշահաւէտ տարբեր ոլորտներու մէջ համագործակցութիւնը, ինչպէս նաեւ փոխգործակցութիւնը Ֆրանկոֆոնիայի միջազգային կազմակերպութեան ծիրէն ներս եւ միջազգային հարթակներու վրայ:

Նախագահներ Սերժ Սարգսեան եւ Ֆրանսուա Հոլանտ կարեւորած են նաեւ աշխոյժօրէն զարգացող ապակենտրոնացուած համագործակցութիւնը, երկու երկիրներու գործարար շրջանակներու միջեւ շփումները: Սերժ Սարգսեան ընդգծած է, որ այդ ամէնուն արդիւնքով յաջողութեամբ կը զարգանան հայ-ֆրանսական առեւտրատնտեսական յարաբերութիւնները, որուն մասին կը վկայէ այն փաստը, որ Հայաստանի մէջ ներդրումներու ծաւալով Ֆրանսան ԵՄ երկիրներու շարքին յառաջատար դիրք կը զբաղեցնէ: Հայաստանի եւ Ֆրանսայի նախագահները համակարծիք են, որ այդուհանդերձ, երկկողմ առեւտրատնտեսական համագործակցութեան ընդլայնման ու ապրանքաշրջանառութեան ծաւալներու մեծացման զգալի ներուժ գոյութիւն ունի, որուն ուղղութեամբ անհրաժեշտ է երկուստէք նպատակաուղղուած աշխատանք իրականացնել:

Զրուցակիցները անդրադարձած են նաեւ Հայաստան-Եւրոպական Միւոթիւն համագործակցութեան, մտքեր փոխանակած են տարածաշրջանային խնդիրներու շուրջ:

Նախագահ  Սարգսեան նաեւ  հանդիպում մը  ունեցաւ  Սպանիոյ  վարչապետ Մարիանօ Ռախոյի հետ:

 

LEAVE A REPLY

Please enter your comment!
Please enter your name here