ՇԱՐՊԷԼ ՄՏԱՀՈԳ ԱՊԱՀՈՎԱԿԱՆ ԿԱՑՈՒԹԵԱՄԲ

0
122

Ներքին գործոց նախարարի պաշտօնակատար Մարուան Շարպէլ դիտել տուաւ, թէ  երկրին ապահովական կացութիւնը  դարձած է խիստ մտահոգիչ:  Ան միաժամանակ քննադատեց ապահովական  շշուկներ եւ տարաձայնութիւններ   հաղորդող կողմերը:   Շարպէլ  նշեց, թէ   լիբանանեան  բանակը Թրիփոլիի  մէջ  յաջողած է  իրականացնել  մեծ թիւով  ծրագիրներ:  Ան  պահանջեց, որ Թրիփոլիի   քաղաքական  հոսանքները  թիկունք  կենան  բանակին   քայլերուն: Ապահովական աղբիւրներ կը հաւաստեն, թէ  պաղեստինեան  գաղթակայաններէն եւ Արսէլի շրջանէն  զինեալներ կը մեկնին Քալամուն՝ Սուրիոյ  ընդդիմութեան կողքին, իշխանութիւններուն դէմ  բախումներուն մասնակցելու նպատակով:  Ընկերվար Յառաջդիմական Կուսակցութեան պետ Ուալիտ Ճոմպլաթ իր այցելուներուն նոյնպէս  յայտնած է, թէ  յառաջիկայ երկու ամիսները ամենավտանգաւորը  պիտի  ըլլան Միջին Արեւելքի համար:

LEAVE A REPLY

Please enter your comment!
Please enter your name here