ՊԱՂՏԱՏ ՎԵԹՕ ԴՐԱՒ ԱՆԳԱՐԱ – ԷՐՊԻԼ ՀԱՄԱՁԱՅՆՈՒԹԵԱՆ

0
103

Պաղտատ   վեթօ դրաւ  Թուրքիոյ եւ  հիւսիսային  Իրաքի  Քիւրտիստանի   շրջանին միջեւ  կնքուած նաւթի եւ  բնական կազի  համաձայնութեան: Թուրքիա շրջանցելով  Իրաքի  կեդրոնական կառավարութիւնը, ուղիղ  բանակցութիւններու միջոցով    վեց  համաձայնագիր կնքեց  հիւսիսային  Իրաքի  Քիւրտիստանի  իշխանութիւններուն հետ: Համաձայնագիրը Անգարայի մէջ կնքեցին  Թուրքիոյ եւ  Քիւրտիստանի վարչապետներ Ռեճէպ Թայիփ Էրտողանը եւ  Նեչիրվան  Պարզանին: Կնքուած համաձայնագիրին մասին չկատարուեցաւ  պաշտօնական յայտարարութիւն՝ Պաղտատէն եւ Ուաշինկթընէն  հնչող  քննադատութիւններուն պատճառով: Պաղտատ  բազմիցս  զգուշացուցած է  Անգարան, որ  պիտի  մերժէ  Քիւրտիստանի հետ նաւթային  որեւէ համաձայնութիւն: Վարչապետ Նուրի Մելիքիի կառավարութիւնը Պաղտատի մօտ ծառայող Թուրքիոյ  դեսպանին պաշտօնապէս փոխանցեց, թէ նման  համաձայնագիր  մը  լուրջ  վնաս պիտի   հասցնէ Պաղտատ-Անգարա յարաբերութիւններուն:

Վարչապետ  Ռեճէպ Թայիփ Էրտողան  երէկ յայտարարեց, թէ  մտադրած է մօտակայ  օրերուն այցելել Պաղտատ եւ  Էրպիլ:

LEAVE A REPLY

Please enter your comment!
Please enter your name here