ԱՄԵՐԻԿԱՑԻ ԳՈՆԿՐԷՍԱԿԱՆ ՄԸ ՄՏԱՀՈԳ ԾԱՅՐԱՅԵՂԱԿԱՆՆԵՐՈՒ «ՀԱՅՐԵՆԻՔ» ՎԵՐԱԴԱՐՁՈՎ

0
114

Ամերիկացի  գոնկրէսական  Մայքլ  Ռոճըրզ յայտարարեց, թէ Արեւմուտքի երկիրներէն  հազարաւոր   քաղաքացիներ Սուրիոյ ծայրայեղականներուն կողքին կը կռուին  իշխանութիւններուն դէմ: Գոնկրէսականը ընդգծեց, թէ  անոնք  «հայրենիք»   վերադառնալէ  ետք, պատուհաս պիտի  դառնան  իրենց  երկիրներուն:

Նախագահ  Պաշշար Ասատ ընդունեց   Իրաքի ազգային անվտանգութեան  ծառայութեան  խորհրդական  Ֆալիհ  Ֆիյատը եւ անոր հետ քննարկեց Սուրիոյ հակամարտութեան  վերաբերեալ  հարցեր:  Հանդիպման ընթացքին կողմերը քննարկեցին Միջին Արեւելքի մէջ   ահաբեկչութեան դէմ պայքարը: Անոնք նշեցին «Ժընեւ -2» խորհրդաժողովը  կայացնելու անհրաժեշտութիւնը:

Ռազմական  գետնի վրայ, Մաալուլայի մէջ   ծանր բախումներ տեղի կ’ունենան բանակին եւ ծայրայեղականներուն միջեւ: Երկար բախումներէ ետք, բանակը յաջողեցաւ իր  հակակշիռին տակ  վեցնել  Քալամունի շրջանի  Նապք  գիւղը:

LEAVE A REPLY

Please enter your comment!
Please enter your name here