ԻՐԱՆ – ՎԵՑԵԱԿ ՀԱՆԴԻՊՈՒՄԸ 11 ԴԵԿՏԵՄԲԵՐԻՆ

0
114

Իրանի արտաքին գործոց  նախարարի  տեղակալ Ապպաս Արաքչի  յայտարարեց, թէ Թեհրան եւ Վեցեակ  յառաջիկայ  հանդիպումը պիտի  կայանայ  յառաջիկայ Չորեքշաբթի, 11  Դեկտեմբերին, Ժընեւի մէջ:  Հանդիպման  ընթացքին  պիտի  քննարկուի միջուկային   թղթածրարին վերաբերեալ   համաձայնագիրին   մանրամասնութիւնները:  Ան նաեւ  նշեց, որ  համաձայնագիրին  կէտերուն   գործադրութիւնը կը կարօտի ժամանակի, ինչպէս՝ Իրանի դէմ պատժամիջոցներու  ջնջումը:  Արաքչի նշեց, թէ  9 եւ 10  Դեկտեմբերին,  տեղի պիտի ունենայ  Միջազգային Գործակալութեան   տնօրէնի  տեղակալ  Հերման  Նաքերթիի  հետ Իրանի եւ Վեցեակի   ներկայացուցիչներուն հանդիպումը:  

Միւս   կողմէ, Իրանի արտաքին գործոց նախարար Մուհամմէտ Ճաուատ  Զարիֆ՝ շրջանային հարցերը  միասնաբար լուծելու  համագործակցութեան  կոչ մը ուղղեց   Սէուտական  Արաբիոյ: Զարիֆ այցելեց Քաթար եւ   հանդիպում մը ունեցաւ իշխան շէյխ Թամիմ Պըն Համատ Ալ Թանիի հետ:

LEAVE A REPLY

Please enter your comment!
Please enter your name here