ԼԻԲԱՆԱՆԵԱՆ ԿԱՐՃ ԼՈՒՐԵՐ

0
106

–         Փաղանգաւոր Կուսակցութեան պետ Ամին Ճեմայէլ այցելեց  Պքերքէ եւ հանդիպում մը ունեցաւ  մարոնիներու  Պշարա Ռաայի  գարտինալին հետ:  Ճեմայէլ  խիստ  վտանգաւոր   նկատեց  Լիբանանի իրավիճակը,աւելցնելով որ անտրամաբանական է  թեւակոխել առանց  նախագահի  քաղաքական պարապութիւն:  Ճեմայէլ պահանջեց  շուտափոյթ  կառավարութիւն մը կազմել՝ որպէսզի  դիմագրաւէ  երկրին մարտահրաւէրները:

–         Կառավարութեան  մօտ զինուորական ատեանի   դատախազ  Սաքր Սաքր ստացաւ մաքսատան  պաշտօնեաներու  դէմ հեռատեսիլի «Ալ Ժատիտ» կայանի   բողոքագիրը: Միւս կողմէ, Սաքր  հրահանգեց  ձերբակալել Թրիփոլիի  բախումներուն  հետ առնչուած  ութ անձեր:

–         Խորհրդարանի նախագահ Նեպիհ Պըրրի  մեկնաբանելով  Մուսթաքպալ Հոսանքի պետ Ֆուատ Սինիորայի  հետ իր Կիրակի  օրուան  հանդիպումին  մթնոլորտը, յայտնեց թէ  խօսիլը շատ աւելի նախընտրելի է  լռութենէն: Ան նշեց,թէ  հանդիպման  ընթացքին խօսակցութիւնը կեդրոնացած է Թրիփոլիի  զարգացումներուն վրայ եւ  նախաձեռնութիւն մը կարելի  եղած է մշակել այս  ուղղութեամբ:

–         Ընկերվար  Յառաջդիմական Կուսակցութեան պետ Ուալիտ Ճոմպլաթ  յայտնեց, թէ  ըստ երեւոյթին Թրիփոլիի  ղեկավարներուն  մեծամասնութիւնը մտադրած է քանդել քաղաքը:  Ճոմպլաթ  դատապարտեց   քաղաքական   հոսանքներու անտարբերութիւնը  բանակին  քայլերուն:

 

LEAVE A REPLY

Please enter your comment!
Please enter your name here