ՀԱՄԱՇԽԱՐՀԱՅԻՆ ԴՐԱՄԱՏԱՆ ԿՈՂՄԷ ԿԱՐԵՒՈՐ ՏԵՂԵԿԱԳԻՐ ՄԸ ՀԱՅԱՍՏԱՆԻ ԴՐԱՄԱՏՈՒՆԵՐՈՒՆ ՎԵՐԱԲԵՐԵԱԼ

0
97

Համաշխարհային Դրամատունը բաւական հետաքրքիր  տեղեկագիր մը  պատրաստած է՝   «Հայաստանի  Հանրապետութիւն. Կուտակում,  մրցակցելիութիւն եւ   միակցութիւն»  վերնագիրով, ուր   բազմաթիւ   ուշագրաւ  դիտարկումներ  կան  Հայաստանի դրամատնային   համակարգին  մասին:   Անոնցմէ առաջինը կը հաւաստէ,թէ  Հայաստանի  դրամատնային համակարգը  դրուած է   ամուր հիմքերու  վրայ եւ արագ  կը զարգանայ, սակայն  մեծութեան, արդիւնաւէտութեան եւ նորարարութեան առումով անիկա  տակաւին  կը զիջի    համեմատելի   երկիրներու մեծ մասին: Երկրորդ՝   աւանդներու  ներգրաւման ցուցանիշներով, Հայաստանի ցուցանիշները  բաւական համեստ են:  Երրորդ՝  միջին եւ փոքր ձեռնարկութիւններ իրականացնելու համար յատկացուող վարկերուն  մատչելիութիւնը սահմանափակ  է:  Չորրորդ՝  Հայաստանի   դրամատային  համակարգին արդիւնաւէտութիւնը ցած է: Նոյնիսկ ամենամեծ դրամատան բաժնետիրական  դրամագլուխը   չի գերազանցեր   հարիւր   միլիոն տոլարը.« Այս պատճառով,  առեւտրային   դրամատուները  զրկուած են  խոշոր   ներդրումային   ծրագիրներ   ֆինանսաւորելու հնարաւորութենէն». կ’եզրակացնէ  տեղեկագիրը:

 

 

LEAVE A REPLY

Please enter your comment!
Please enter your name here