ՄԱՔՍԱՅԻՆ ՄԻՈՒԹԻՒՆ ԱՆԴԱՄԱԿՑԵԼՈՒ ԴԷՄ ԲՈՂՈՔԻ ՀԱՒԱՔՆԵՐ ՈՒՔՐԱՆԻՈՅ ՄԷՋ

0
114

Շաբաթավերջին,   Ուքրանիոյ  մայրաքաղաք  Քիեւի մէջ  հոծ  ցոյցեր  եւ հաւաքներ տեղի ունեցան՝ Եւրոպական Միութեան հետ գործընկերութեան համաձայնութիւնը  կառավարութեան կողմէ   ջնջուելու  որոշումին դէմ:  Այդ միջոցին, քաղաքացիներու եւ  ոստիկանութեան միջեւ  տեղի ունեցան բախումներ, որուն  ընթացքին զոհուեցաւ կին մը: Ուքրանիոյ  կառավարութիւնը Կիրակի  գումարեց արտակարգ նիստ մը եւ   քննարկեց  երկրին  իրավիճակը:  Ցուցարարները  փորձեցին յարձակիլ նախագահական  պալատին վրայ: Ոստիկանութիւնը ձերբակալեց  աւելի քան  40  սադրիչներ:  Ցուցարարները սալաքար  կը նետեն  ոստիկանութեան ուղղութեամբ: 

Միւս  կողմէ, Ուքրանիոյ  գլխաւոր դատախազ Վիքթոր  Փշոնքա  դատապարտեց Եւրոպական Միութեան  հետ  գործընկերութիւն  պահանջող  ցուցարարներուն դէմ գործադրուող  բռնութիւնը:  Ան նաեւ  պահանջեց ազատ արձակել ձերբակալեալները:  Ցուցարարները  գրաւեցին Քիեւի  քաղաքապետարանի  շէնքը, ապա  հեռացան: Եւրոպական Միութիւնը սպառնաց  պատժամիջոցներու դիմել Ուքրանիոյ  դէմ՝ ուժի կիրառումը  շարունակուելու պարագային: ՆԱԹՕ-ի ընդհանուր քարտուղար  Անտերս ֆոկ Ռասմուսեն  բռնութիւններէն   զերծ  մնալու  կոչ ուղղեց հակամարտութեան կողմերուն:

LEAVE A REPLY

Please enter your comment!
Please enter your name here