ՆԱԽԱԳԱՀ ՓՈՒԹԻՆ ԺԱՄԱՆԵՑ ՀԱՅԱՍՏԱՆ

0
98

 Ռուսիոյ նախագահ Վլատիմիր Փութինը փոխադրող  օդանաւը վայրէջք կատարեց  Կիւմրիի    «Շիրակ»   միջազգային օդակայանը:Նախագահ Փութինի  գլխաւորած  պատուիրակութեան մաս  կը կազմեն  նախարարներ,արտաքին գործոց նախարար Սերկէյ Լաւրովը, կառավարութեան  նախագահի առաջին տեղակալ Իկոր Շուվալովը, կրթութեան նախարար Անտոն Սիլուանովը,  տարածաշրջանային զարգացման նախարար Իկոր Սլիունիաեւը,     փոխադրութեան նախարար Շաքսիմ Սոքոլովը, գիւղատնտեսութեան նախարար   նիքոլայ  Ֆիոտորովը, պաշտպանութեան նախարարի առաջին տեղակալ Արկաթի  Պախինը,  յառաջատար   ընկերութիւններու,  ձեռնարկութիւններու  ղեկավարներ:  Կիւմրիի  «Շիրակ» օդակայանին մէջ  դիմաւորման  պաշտօնական արարողութենէն  ետք,  նախագահներ Սերժ Սարգսեան եւ Վլատիմիր Փութին մասնակցեցան  «Ռուսաստան – Հայաստան. Մաքսային Միութիւն»  միջտարածաշրջանային  երրորդ   համաժողովի բացման հանդիսութեան: Զոյգ  երկիրներու նախագահները  ելոյթ ունեցան  եւ փոխանցեցին   ողջոյնի խօսքեր:  Երկու նախագահները այցելեցին  Ռուսիոյ եւ Հայաստանի տարածաշրջանային  մակարդակով  պետական  մարմիններու նախաձեռնած   ցուցահանդէսին: Սոյն  ցուցահանդէսին  նպատակն է  Հայաստան- Ռուսիա տնտեսական համագործակցութեան զարգացումը, ինչպէս նաեւ   Հայաստանի՝ Մաքսային Միութիւն մտնելու  հեռանկարներու  շրջանակներու մէջ,  զարգացման ու համագործակցութեան  նոր հնարաւորութիւններու բացայայտումը:  Այս   առիթով արտասանած իր խօսքին մէջ,  նախագահ Սերժ Սարգսեան  յայտարարեց, թէ անթոլատրելի է  հայ-ռուս  հասարակութիւններու մօտ  ծագին  կասկածանքի  զգացումներ:  Նախագահ  Վլատիմիր Փութին  ծաղկեպսակ  զետեղեց Սպիտակի աւերիչ երկրաշարժի  զոհերուն  յիշատակին նուիրուած   յուշակոթողին առջեւ, ապա այցելեց   Կիւմրիի մէջ տեղակայուած  102-րդ    ռազմակայանը:

Ապա երկու նախագահները այցելեցին  Ծիծեռնակաբերդ՝ Հայոց  Ցեղասպանութեան  զոհերու   յուշահամալիրը, ուր նախագահ   Վլատիմիր Փութին  ծաղկեպսակ մը զետեղեց  Մեծ  Եղեռնի  նահատակներու յիշատակին:   

Երեւանի մէջ   այսօր տեղի պիտի ունենան  հայ-ռուսական բանակցութիւններ:  Օրակարգի վրայ են  երկկողմ  համագործակցութեան   վերաբերող առանցքային հարցեր, որոնց  մէջ՝ առեւտրատնտեսական  ու մշակութային-մարդասիրական: Բանակցութիւններու աւարտին պիտի ստորագրուին շարք մը   փաստաթուղթեր:

LEAVE A REPLY

Please enter your comment!
Please enter your name here