ՇԱՐՊԷԼ ԵՐԿԽՕՍՈՒԹԵԱՆ ԿՈՉ Կ’ՈՒՂՂԷ ԹՐԻՓՈԼԻԻ ՀԱԿԱՄԱՐՏՈՒԹԵԱՆ ԿՈՂՄԵՐՈՒՆ

0
128

 Ներքին գործոց նախարարի պաշտօնակատար Մարուան  Շարպէլ  դիտել տուաւ ,թէ բանակը  չի կրնար դիտորդ մնալ   Թրիփոլիի զարգացումներուն առջեւ:  Շարպէլ  հաւաստեց, թէ հակամարութեան  կողմերը  կը մերժեն  հեռանալ իրենց դիրքերէն: Նախարարը հաւաքական պատասխանատուութեան հրաւիրեց    քաղաքական  հոսանքները՝ անխտիր, աւելցնելով որ  բանակին ամբողջական  լիազօրութիւն անհրաժեշտ է  շնորհել, որպէսզի երկաթեայ  բռունցքով  հարուածէ օրինազանցներուն: Շարպէլ  երկխօսութեան  կոչ ուղղեց հակամարտութեան կողմերուն, դիտել տալով որ լիբանանցիները միշտ ալ   յաղթահարած են իրենց տարակարծութիւնները:

 Արաբական Դեմոկրատական Կուսակցութեան պետ Ռաֆաաթ Իյտ   հերքեց Թրիփոլիի  միջադէպերուն  մէջ  իր կուսակցութեան  մասնակցութիւնը: Իյտ, բուռն   քննադատութեան ենթարկեց  հանրապետութեան նախագահ Միշէլ Սըլէյմանը, դիտել տալով որ  վերջինս սկսած է  գործել իբրեւ Մարտ  14-ի ուժերու ղեկավար « Նախագահ Սըլէյման Մարտ  8-ի ուժերը  հարուածելու  հրահանգ ստացաւ Սէուտական Արաբիայէն եւ անոր գործադրութիւնը սկսաւ Հիւսիսէն» ըսաւ Իյտ:

Ապահովական այս  մտահոգիչ  կացութեան  կողքին, սպասողական եւ լարուած  մթնոոլորտ մը կը  տիրէ  Այն  Հելու  գաղթակայանին մէջ:

Ներքին ապհովութեան ուժերու նախկին ընդհանուր տնօրէն, հազարապետ Աշրաֆ Ռիֆի կառավարութեան  վերագրեց Թրիփոլիի  դէպքերուն պատասխանատուութիւնը: Նախկին վարչապետ Սելիմ Հոս զգուշացուց, թէ Թրիփոլիի   դէպքերը կը սպառնան քաղաքային անվտանգութեան:  Երեսփոխան Սամիր Ճըսր  ապահովական  մարմիններուն վերագրեց  դէպքերուն  պատասխանատուութիւնը: Ճըսր պահանջեց ձերբակալել  կրակ բացողները եւ արձակազէնները: 

Մուսթաքպալ Հոսանքի  քաղաքական  դիւանի անդամ Մուսթաֆա Ալլուշ պահանջեց իրաւական պատասխանատուութեան հրաւիրել Արաբական Դեմոկրատական  Կուսակցութիւնը  .«Բախումները դադրեցնելու կամ   լուծումներ գտնելու կարելիութիւն  չկայ, որովհետեւ  հակամարտութիւնը առնչուած է  շրջանային  զարգացումներուն հետ». դիտել տուաւ Ալլուշ: Բախումներուն   հետեւանքով   զոհերուն թիւը  բարձրացաւ  12-ի:  Վիրաւորները՝  100:

LEAVE A REPLY

Please enter your comment!
Please enter your name here