ԲԱՆԱԿԸ ՆՈՐ ՔԱՅԼԱՄԻՋՑՆԵՐՈՒ ԴԻՄԵՑ ԹՐԻՓՈԼԻԻ ՄԷՋ

0
99

Լիբանանեան  կառավարութիւնը,  պաշտպանութեան  գերագոյն խորհուրդը   հետեւեցան Թրիփոլիի ապահովական  ծրագիրին  գործադրութեան:  Ըստ  գոյացած համաձայնութեան,  բանակը  առանձին պիտի ստանձէ   Թրիփոլիի ապահովութեան հսկողութիւնը:

Հրաժարեալ  վարչապետ   Նեժիպ Միքաթի վարչապետարանին մէջ ընդունեց Լիբանանի համար  կազմուած Միջազգային Ատեանի նախագահ  Տէյվիտ Պարակուանթը:    Միքաթի ընդունեց  հրաժարեալ    նախարար Ատնան Մանսուրը,  Սամիր Մուքպէլը, Մարուան Շարպէլը եւ  Մարուան Խէյր Էլտտինը եւ   քննարկեց Թրիփոլիի  իրավիճակը:  Վարչապետը պահանջեց  միայն  լիբանանեան բանակին լիազօրել  Թրիփոլիի ապահովութիւնը վերահսկելու  լիազօրութիւնը,  խաչաձեւումներէ  խուսափելու նպատակով: Ան   քաղաքական  կողմերէն պահանջեց   գործակցիլ եւ   հետեւիլ  բանակին    քայլերուն,  մաղթելով որ  բանակը  հանդարտութիւն կը հաստատէ  Թրիփոլիի  մէջ:

  Մուսթաքպալ Հոսանքի անդամ,երեսփոխան Սամիր Ճըսր  դիտել տուաւ, որ գետնի վրայ գործող ապահովական տարբեր կառոցներու  ներկայութիւնը անհնար կը դարձնէ ապահովական ծրագիրին  գործադրութիւնը: Ճըսր՝  քաղաքական յստակ  կեցուածք մը պահանջեց կառավարութենէն: Երեսփոխան  Ամմար Հուրի  նշեց, թէ   քաղաքացին  միայն  խաղաղութիւն եւ կայունութիւն կը  փնտռէ  Թրիփոլիի մէջ:  Հիւսիսի եւ   Թրիփոլիի  միւֆթի Մալէք  Շաար   նշեց, թէ Թրիփոլի քաղաքը   պետութեան եւ բանակին  կարօտը կը  զգայ եւ ոչ մէկ  հարց ունի ապահովական կառոյցներուն  հետ:

Սալաֆական  շարժումի քարոզիչ շէյխ  Շահալ  քննադատեց Միքաթիին՝   Թրիփոլին  զինուորական գօտի յայտարարելու  նախաձեռնութեան  համար:  Շահալ պահանջեց  ձերբակալել Արաբական Դեմոկրատկան Կուսակցութեան պետ Ալի Իյտը: Ներքին ապահոովութեան  ուժերու նախկին  ընդհանուր տնօրէն, հազարապետ Աշրաֆ Ռիֆի  յայտնեց, թէ   Թրիփոլիի  տագնապին  լուծումը առաջին հերթին  քաղաքական  պիտի  ըլլայ, ապա՝  ապահովական:  Ան նշեց թէ  Իրանի եւ Սուրիոյ առանցքին ծառայող կառավարութիւն մը   չի կրնար  լուծում բերել  Թրիփոլիի  տագնապին:

Նորանշանակ վարչապետ Թամամ Սալամ   ողջունեց  Թրիփոլիի ապահովութեան  հսկողութիւնը բանակին յանձնելու  որոշումը, աւելցնելով  որ անհրաժեշտ  է հաւասար հեռաւորութիւն պահել քաղաքական բոլոր կողմերէն եւ  առանց բացառութիւններու  գործադրել օրէնքը:  Սալամ ընդունեց  կենսոլորտի նախարարի պաշտօնակատար Նազէմ Խուրին

Գետնի  վրայ,  քաղաքին տարբեր շրջաններուն մէջ   տեղի ունեցան  ընդմիջուած բախումներ: Արձակազէններու  սպառնալիքը անհնար կը դարձնէ   քաղաքին  առօրեան:  Կրթական հաստատութիւնները կը մնան  փակ:  Բախումներուն հետեւանքով   զոհերուն թիւը  բարձրացաւ 17-ի: Վիրաւորները՝ 110:

Ներքին գործոց  նախարարի  պաշտօնակատար  Մարուան Շարպէլ  շեշտեց Թրիփոլիի  քաղաքական  խմբաւորումներուն միջեւ   հաշտութեան մը անհրաժեշտութիւնը:

LEAVE A REPLY

Please enter your comment!
Please enter your name here