ՀՌՈՄԻ ՊԱՊԸ ՍՈՒՐԻՈՅ ԱՐԻՒՆԱՀՈՍՈՒԹԻՒՆԸ ԱՆՄԻՋԱՊԷՍ ԿԱՍԵՑՆԵԼՈՒ ԿՈՉ ՈՒՂՂԵՑ

0
109

Հռոմի  Ֆրանսիսկոս Ա.  Պապը   պահանջեց անմիջապէս դադրեցնել Սուրիոյ արիւնահոսութիւնը եւ  երկխօսութեան  ճանապարհով  արդար  լուծումներ   փնտռել  հակամարտութեան: Ռուսիոյ արտաքին գործոց նախարար Սերկէյ Լաւրով   մեկնեցաւ Պրիւքսէլ, մասնակցելու այսօր՝  Չորեքշաբթի, 4  Դեկտեմբերին  կայանալիք ՆԱԹՕ-Ռուսիա խորհրդաժողովին:  Սոյն  խորհրդաժողովին հիմնական  օրակարգերէն  մէկը պիտի  ըլլայ  Սուրիոյ  հակամարտութիւնը եւ «Ժընեւ-2» խորհրդաժողովին նախապատրաստութիւնները:   ՄԱԿ-ի ընդհանուր քարտուղար Պան Քի Մուն յայտարարեց, թէ որ  Սուրիոյ  քիմիական զէնքերու  ոչնչացման  ծրագիրները կ’ընթանան   նախատեսուած ծրագիրին համաձայն:  Քի  Մունի նախատեսութեամբ,  զէնքերը  ոչնչացած պիտի  ըլլան  մինչեւ  2014-ի կէսերը: Ան նշեց, թէ  ոչնչացման  գործընթացը  աննախադէպ ջանքեր կ’ենթադրէ   միջազգային  ընտանիքէն:

«Ռոյթըրզ»  լրատուական գործակալութիւնը կը հաղորդէ, թէ  2011  Մարտէն  շարունակուող Սուրիոյ հակամարտութեան  հետեւանքով  զոհերու թիւը  գերազանցած է  125  հազարը:

Մաալուլայի մէջ  ծայրայեղականները խուժեցին կանանց մենաստանը եւ առեւանգեցին 12  միանձնուհիներ, որոնց մէջ՝ անոնց  ղեկավարը:  Զինեալները կրակ բացին Մաալուլայի բնակելի  վայրերուն ուղղութեամբ, ահ ու սարսափ տարածելով   բնակիչներուն մօտ: Թրքական « Միլլիյէթ» օրաթերթը կը  գրէ, թէ  Սուրիոյ մէջ  կը  գործեն  յիսուն ահաբեկչական կազմակերպութիւններ  եւ կ’աւելցնէ, թէ  սոյն խմբաւորումները կը պատրաստուին ահաբեկչական  գործողութիւններ իրականացնել Թուրքիոյ մէջ: « Սքայ  Նիուզ»   հաղորդեց, թէ Դամասկոսի «Ճըսր Ապիատ» շրջանին մէջ անձնասպանական գործողութեան մը  հետեւանքով մահացան ինը  քաղաքացիներ:

LEAVE A REPLY

Please enter your comment!
Please enter your name here