ՈՒՔՐԱՆԻՈՅ ՎԱՐՉԱՊԵՏԸ ՔՆՆԱԴԱՏԵՑ ԲՈՂՈՔԻ ՀԱՒԱՔՆԵՐԸ

0
115

Ուքրանիոյ  վարչապետ   Նիքոլայ  Ազարով   յայտարարեց, թէ  պետական  յեղաշրջման նախանշաններ կը  նշմարէ  երկրին  մէջ տեղի ունեցող իրադարձութիւններուն ետին:   Քիեւի   մօտ  ծառայող  դիւանագիտական ներկայացուցիչներու առջեւ խօսք առնելով,  Ազարով  ըսաւ, թէ  Եւրոպական  երկիրներու մէջ  պատասխանատուութեան կը հրաւիրեն պետական  կառոյցներու վրայ  յարձակում կատարողները:  Ան  ըսաւ, թէ   կատարուող վայրագութիւնները անհնար է   համարել խաղաղ   հանրահաւաք: Եւրոպական Միութեան հետ Ընկերակցութեան համաձայնագիրը չստորագրելու  Ուքրանիոյ կառավարութեան քայլէն զայրացած ցուցարարներ շարունակեցին իրենց ցոյցերը՝ պահանջելով կառավարութեան հրաժարականը ու խորհրդարանին լուծարումը:
Ցուցարարները նաեւ մայրաքաղաքի որոշ շրջանները իրենց հակակշիռին տակ առին, մինչ ոստիկանութիւնը ցարդ կ’որդեգրէ  չհակադարձելու քաղաքականութիւն մը:

Նախագահ Վիքթոր Եանուքովիչ յայտարարեց, որ Ուքրանիա չի կրնար Ռուսիոյ հետ իր առեւտրական կապերը խզել. արգելափակուած ընդդիմադիր ղեկավար Եուլիա Թիմոշենքօ ուքրանացիներուն կոչ ուղղեց՝ «իշխանութեան քայլերը անպատասխան չձգելու»: Ան անցեալ Երկուշաբթի օրուընէ ի վեր այս հարցով հացադուլի դիմած է:Բրիտանական  « Տը  Թելեկրաֆ»   օրաթերթը կը  գրէ,թէ փութինեան Ռուսիան չափազանց  թոյլ  է կասեցնելու  Ուքրանիոյ անդամակցութիւնը Եւրոպական Միութեան:

LEAVE A REPLY

Please enter your comment!
Please enter your name here