ԼԻԲԱՆԱՆԵԱՆ ԿԱՐՃ ԼՈՒՐԵՐ

0
114

–         Ընկերվար  Յառաջդիմական Կուսակցութեան պետ Ուալիտ Ճոմպլաթ  աւարտելէ ետք  Փարիզ կատարած  եռօրեայ այցելութիւնը, ծրագրած է այցելել Մոսկուա:  Ճոմպլաթ, Փարիզի մէջ ունեցած  շփումներուն ընթացքին շօշափած  է նախագահական ընտրութիւնները  սահմանադրականօրէն նշեալ ժամանակամիջոցին կայացնելու, միաժամանակ  հզօր նախագահ մը ընտրելու  նախանձախնդրութիւն մը:

–         Աշխատավարձերու  յաւելման  պարագային, պետութեան  գանձին անհրաժեշտ  աղբիւրները     հայթայթելու նպատակով,  խորհրդարանի փոխնախագահ  Ֆարիտ Մաքարի  ներկայացուցած է  վեց  կէտերէ  բաղկացած  առաջարկ մը՝ «Թէ.Վէ.Ա.»ի յաւելում,  ելեկտրականութեան մարզին պետական  յատկացումներու  ջնջում,  մաքսատուրքերու յաւելում, աշխատավարձերու համար  նախատեսուած յաւելումներու կրճատում, մասնատում եւ ամփոփում:

–         Սէուտական Արաբիոյ  մէջ լոյս  տեսնող «Օքազ»  օրաթերթին համաձայն,  Հըզպալլա  ծրագրած է  պայմանական  հեռացում մը  յայտարարել  Սուրիայէն:  Օրաթերթը  կ’աւելցնէ, թէ  Հըզպալլա կը փորձէ  շրջանային եւ միջազգային սակարկութեան շուկային մէջ շահարկել  հեռացումի որոշումը:

–         Լիբանանեան բանակը  օրըստօրէ կ’ամրապնդէ  Թրիփոլիի արուարձաններուն մէջ իր դիրքերը:  Բանակը  կը  կատարէ  լայնածիր խուզարկութիւններ եւ ձերբակալութիւններ:  Բանակին քայլերէն  դժգոհող կարգ մը   քաղաքացիներ  բողոքի նստացոյց մը կատարեցին  Թրիփոլիի Նասրա մզկիթին առջեւ:  Ապհովական ուժեր գրաւեցին  իսլամ քարոզիչ շէյխ Շահալին պատկանող երկու  ինքնաշարժներ:

LEAVE A REPLY

Please enter your comment!
Please enter your name here