ՆԱԽԱԳԱՀԱԿԱՆ ԸՆՏՐՈՒԹԻՒՆՆԵՐՈՒ ՍԱԿԱՐԱՆԸ Կ’ԱՇԽՈՒԺԱՆԱՅ

0
111

Լիբանանի յառաջիկայ   նախագահական   ընտրութիւններու ծիրին մէջ,  նախկին նախարար  Ղաթաս Խուրի՝ Սաատ Հարիրիի անմիջական թելադրութեամբ  այցելութիւն մը  տուաւ Մաարապ, ուր  Լիբանանեան Ուժեր  Կուսակցութեան  գործադիր  Խորհուրդի  պետ Սամիր Ժաաժայի հետ քննարկեց նախագահական  ընտրութիւններու  գործընթացը: Մարտ  14-ի աղբիւրներ  հաղորդեցին, թէ  ղեկավարութիւնը լրջօրէն կը  հետեւի   ընտրական գործընթացին, ինչպէս նաեւ  կը շարունակէ  յարմարագոյն թեկնածուն  ճշդելու ուսումնասիրութիւնները:

Հըզպալլայի    ընդհանուր  քարտուղար Հասան Նասրալլա  յայտարարեց, թէ  իր կուսակցութիւնը ճշդած է   նախագահական յառաջիկայ  ընտրութիւններուն որդեգրելիք  թեկնածուին անունը եւ  յարմարագոյն պահուն պիտի  յայտարարէ   հանրութեան:

Լիբանանեան Ուժեր Կուսակցութեան կարծիքով, Սամիր Ժաաժայի դէմ ամենալուրջ  թեկնածուն պիտի դառնայ Ժան Օպէյտը:

Արտաքին գործոց նախարար Ժըպրան Պասիլ  յայտնեց, թէ  Միշէլ Աուն պիտի չյայտարարէ իր  թեկնածութիւնը, եթէ  անոր անուան  շուրջ   չգոյանայ  համերաշխութիւն:

 Լիբանանի մօտ Ռուսիոյ դեսպան Ալեքսանտր Զասփիքին յայտնեց, թէ  միջազգային ընտանիքը համաձայնութիւն  գոյացուցած է ամրապնդելու  Լիբանանի կայունութիւնը եւ նպաստաւոր պայմաններ ստեղծելու   նախագահական  ընտրութիւններուն համար: Այսուհանդերձ,  դեսպանը  շեշտեց, որ   լիբանանցիները  նոյնպէս   անհրաժեշտ է, որ համաձայնութիւն գոյացնեն  նախագահին անուան շուրջ:

Նախկին նախարար Ալպեռ Մանսուր  յայտնեց, թէ  նախագահական  ընտրութիւնները պիտի կայանան  ճշդուած   ժամանակամիջոցին եւ ոչ ոք  շահագրգռուած է  խանգարելու այդ գործընթացը:  Մուսթաքպալ Հոսանքի անդամ,երեսփոխան Խալէտ Զահրեման նշեց, թէ արտաքին գործօնները միշտ ալ  իրենց ազդեցութիւնը ունեցած են նախագահական  ընտրութիւններուն վրայ:

Լրատուական աղբիւրներու   համաձայն, Նեպիհ  Պըրրի՝  նախագահ  ընտրելու  նիստի պիտի  հրաւիրէ խորհրդարանը, 15 Ապրիլին:

LEAVE A REPLY

Please enter your comment!
Please enter your name here