ՊԱՆ ՔԻ ՄՈՒՆ ՍՈՒՐԻՈՅ ՀԱԿԱՄԱՐՏՈՒԹԵԱՆ ԿՈՂՄԵՐԷՆ ԿԸ ՊԱՀԱՆՋԷ ԽՆԱՅԵԼ ՔԱՂԱՔԱՑԻՆԵՐԸ

0
100

ՄԱԿ-ի ընդհանուր քարտուղար  Պան Քի Մուն Սուրիոյ  հակամարտութեան կողմերէն  պահանջեց   քաղաքացիները   խնայել՝ անկախ անոնց  կրօնական եւ   ցեղային պատկանելիութեան:   Քի Մուն դատապարտեց   Հոմսի մէջ  հոլանտացի   վարդապետ Ֆրանց   Վան  Տէր Լուքթի սպանութիւնը:

Երէկ,  Չորեքշաբթի, Եւրոպայի Խորհրդարանական Խորհուրդի  Վեհաժողովը  ընդունեց Քեսապի խաղաղ  բնակիչներուն նկատմամբ ահաբեկչական գործողութիւնները դատապարտող   հռչակագիր:  Փաստաթուղթի  հեղինակներն եւ  Հայաստանի Ազգային Ժողովի    երեսփոխաններ  Արփինէ  Յովհաննիսեանը, Դաւիթ Յարութիւնեանը,  Նայիրա  Կարապետեանը, Մհեր   Շահկելտեանը եւ Նայիրա  Զոհրապեանը:  Փաստաթուղթը ստորագրեցին  վեհաժողովի  22  երեսփոխաններ:

Ռուսական «Իթար-Թասս» լրատու գործակալութիւնը  հաղորդեց, թէ ՄԱԿ-ի Ապահովութեան Խորհուրդին մէջ, արեւմտեան երկիրները չեն արտօնած Ռուսիոյ առաջադրած՝ Սուրիոյ Քեսապ աւանին մէջ զինեալներու գործողութիւններուն եւ Լաթաքիա նաւահանգիստի ռմբակոծումին դատապարտումը՝ աւելցնելով, թէ այս գործողութիւնները ստիպած են դադրեցնելու քիմիական զէնքի դուրս բերումը երկրէն:
«Քեսապի մէջ զինեալներու գործողութիւններուն եւ Լաթաքիոյ ռմբակոծումին վերաբերեալ մեր առաջարկները՝ Ապահովութեան Խորհուրդին մէջ արեւմտեան գործընկերներուն կողմէ աջակցութիւն չեն ստացած», յայտնեց ՄԱԿ-ի մօտ Ռուսիոյ  դեսպան Վիթալի Չուրքին:

Ռուսիոյ պատրաստած նախագիծին մէջ կը դատապարտուին «սուրիահայերով բնակուած Քեսապ աւանին դէմ սուրիական ընդդիմադիր խմբաւորումներու (որոնց շարքին են «Քայիտա»ի հետ կապ ունեցող խմբաւորումներ) վերջին յարձակումները:
ՄԱԿ-ի մօտ Ռուսիոյ մնայուն ներկայացուցիչ Վիթալի Չուրքին յոյս յայտնած էր, որ կարելի պիտի ըլլայ համաձայնութիւն գոյացնել իրենց փաստաթուղթին շուրջ, որ խորքին մէջ չի նկատուիր պաշտօնական փաստաթուղթ:  : Ըստ անոր՝ Քեսապի մէջ տեղի ունեցող գործողութիւնները անպայման պիտի քննարկուին Սուրիոյ մէջ մարդասիրական իրավիճակին վերաբերեալ Ապահովութեան Խորհուրդի հանդիպումին ընթացքին, որ պիտի կայանայ Ապրիլ 30-ին: «Մենք ատիկա կը պահենք մեր ուշադրութեան կեդրոնը, սակայն տակաւին այդ մասին առանձին քննարկում չի նախատեսուիր», ըսաւ ռուս դիւանագէտը:

LEAVE A REPLY

Please enter your comment!
Please enter your name here