ԲՈՒՌՆ ԲԱԽՈՒՄՆԵՐ ՍՈՒՐԻՈՅ ՏԱՐԲԵՐ ՇՐՋԱՆՆԵՐՈՒ ՄԷՋ

0
110

Սուրիոյ տարբեր ճակատներու վրայ բախումները կը շարունակուին:  Ծովեզերեայ շրջանի բախումները կը մնան ռազմագէտներու ուշադրութեան կեդրոնը։ Սուրիական բանակը, Լաթաքիոյ գիւղական շրջաններու մէջ ծագող անակնկալ յարձակումէ մը ետք, զոր պարտադրեցին թրքական սահմանէն մուտք գործած զինեալներ, տակաւին կը դիմագրաւէ Թուրքիոյ սահմանին յարող լեռներուն վրայ արձակուող հրետանիներու յարձակումները, զայն վերագրաւելու համար։ Ծանր բախումներ   տեղի կ’ունենան  Իտլիպի գիւղերուն մէջ, բանակի եւ զինեալ խմբաւորումներու միջեւ: Բանակը կը  փորձէ  ազատագրել  դէպի Դամասկոս եւ Հալէպ հասնող ճանապարհներուն սպառնացող վտանգը։

Հալէպի մէջ մարտերը կ’ընթանան հիւսիսայն շրջանի Ալ Լերամունի մէջ։

Թէժ մարտեր կ’ընթանան Դամասկոսի արեւելեան շրջանին մէջ: Սուրիական բանակը յաղթանակ տարած է դէպի Դամասկոսի օդակայան հասնող Ալ Մալեհայի մէջ։

Մարտեր կ’ընթանան նաեւ Դամասկոսի հարաւային շրջանին մէջ՝ Քունէյթրայի մէջ, Կոլանի սահմանին եւ Տարաայի գիւղերուն մէջ։

Բախումներու  ընթացքէն կարելի է եզրակացնել, որ բանակը կը փորձէ Տարաայի գիւղերը կապել Քունէյթրայի արեւելքին հետ՝ բլուրները իր վերահսկողութեան տակ առնելու միջոցով։

Հոմսի մէջ բանակը կը փորձէ ազատագրել հին քաղաքը, որուն կառչած կը մնան զինեալ խմբաւորումները։

Նշենք, թէ  բանակը Քալամուն շրջանի Ռանքուս գիւղաքաղաքը առաւ իր ամբողջական վերահսկողութեան տակ եւ սկսաւ այդտեղ գտնուող ականները վնասազերծել, մինչ բուռն բախումները կը շարունակուին գիւղաքաղաքին մօտ գտնուող բլուրներուն վրայ:

LEAVE A REPLY

Please enter your comment!
Please enter your name here