ԸՆՏՐԱԿԱՆ ԳՈՐԾԸՆԹԱՑԸ ԳԱՂՋ ԿՐԱԿԻ ՎՐԱՅ

0
99

 Լիբանանի նախագահական  ընտրութիւններու   թղթածրարը  կը  սպասէ   շրջանային եւ  միջազգային  համաձայնութեան արդիւնքներուն:  Այս  նպատակով,  Լիբանանի մօտ  ծառայող  օտար դիւանագիտութեան  ներկայացուցիչները   յաջորդական հանդիպումներ  կը  նախատեսեն ունենալ   նախագահութեան  թեկնածուներուն հետ: Մարոնիներու Պշարա Ռայի գարտինալը  անհաւանական գտաւ  Մարտ  8-ի եւ 14-ի ուժերէն թեկնածուի մը  ընտրութիւնը՝ հանրապետութեան նախագահութեան  պաշտօնին:   Ռայի   շեշտեց, որ   հանրապետութեան նախագահը պարտի ըլլալ համախոհական եւ  ընդունելի՝ բոլոր կողմերէն:  Գարտինալ Ռայի  մաղթեց, որ  Նեպիհ Պըրրի  կարճ   ժամանակամիջոցի մէջ   նախագահ ընտրելու նիստի կը   հրաւիրէ  խորհրդարանը: Ռայի նաեւ զգուշացուց՝  որ Սուրիոյ  հակամարտութեան հետեւանքով  Լիբանան կը գտնուի  համակեցութեան  յատկանիշը  կորսնցնելու սպառնալիքին առջեւ:

Լիբանանեան կարգ մը  օրաթերթեր կը գրեն,թէ  Հըզպալլա  հանդիպում մը կը  կազմակերպէ Հասան Նասրալլայի, Միշէլ Աունի եւ Նեպիհ  Պըրրիի  մասնակցութեամբ՝  նախագահութեան թղթրածրարին շուրջ   տեսակէտները  բիւրեղացնելու   նպատակով:

 Արդարադատութեան նախարար Աշրաֆ Ռիֆի մաղթեց, որ  Սամիր   Ժաաժա ընտրուի  հանրապետութեան նախագահ: Ռիֆիի կարծիքով,  Ժաաժա  որոշումի տէր անձնաւորութիւն մըն է: Մուսթաքպալ  Հոսանքի անդամ, երեսփոխան  Խալէտ Զահրեման  դիտել տուաւ, թէ  ներկայիս ամենահաւանական  թեկնածուն պարապութիւնն է,  եթէ  մինչ այդ  տեղի չունենայ  նոր զարգացում:

LEAVE A REPLY

Please enter your comment!
Please enter your name here