ՆԱԽԱԳԱՀ ՍԸԼԷՅՄԱՆ՝ ԱՆՀՐԱԺԵՇՏ Է ԱՐԴԻԱԿԱՆ ԶԷՆՔԵՐՈՎ ՕԺՏԵԼ ԲԱՆԱԿԸ

0
119

Հանրապետութեան նախագահ Միշէլ Սըլէյման  դիտել տուաւ, որ  անհրաժեշտ է արդիական  զէնքերով   օժտել լիբանանեան բանակը, յատկապէս այն առաքելութիւն  համար, որուն  կոչուած է ան: Նախագահը դրուատեց  քաղաքացիական  պաշտպանութեան կամաւոր   ծառայողները  պաշտօնեայ  հաստատելու որոշումը: Նախագահ Սըլէյման  Պաապտայի  պալատին մէջ  ընդունեց նախկին նախարար Ատնան Քասարը,  Մուսթաքպալ Հոսանքի անդամ,  երեսփոխան Սամիր Ճըսրը,  հետաքննիչ ատեանի դատախազ  Սամիր  Համուտը,  ելեկտրականութեան  ընկերութեան   ընդհանուր  տնօրէն Քամալ Հայէքը  եւ այլ անձնաւորութիւններ:

Լիբանանեան խորհրդարանը երէկ առաւօտեան շարունակեց  օրէնսդիր  լիագումար  նիստերը: Նախքան նիստը,  խորհրդարանի նախագահ Նեպիհ Պըրրի  կարճ  խորհրդակցութիւն մը ունեցաւ վարչապետ Թամամ Սալամի հետ:  Խորհրդարանը  քննարկեց 14   յօդուածներէ բաղկացած  օրակարգ մը:  Պըրրի նշեց աշխատավարձերու յաւելման   օրինագիծը այսօր՝  Ուրբաթ  քննարկելու եւ վաւերացնելու կարելիութիւն մը:

 Վարչապետ Թամամ Սալամ  վարչապետարանին մէջ  կարգ մը  նախարարներու  հետ քննարկեց  սուրիացի   գաղթականներուն իրավիճակը:

 Երէկ առաւօտեան գործադրութեան դրուեցաւ Պաալպէքի եւ Հերմէլի  շրջանի ապահովական  ծրագիրը:  Բանակը  տարածուեցաւ լայն  շրջաններու մէջ եւ իրականացուց խուզարկութիւններ եւ կատարեց ձերբակալութիւններ:

LEAVE A REPLY

Please enter your comment!
Please enter your name here