ՍԵՐԺ ՍԱՐԳՍԵԱՆ՝ ՄԵՐ ԵՐԿՐԻ ՀԱՄԱՐ ԳՈՐԾՈՂ ԿԱՌԱՎԱՐՄԱՆ ԵՂԱՆԱԿԸ ԱՌԱՒԵԼ ԸՆԴՈՒՆԵԼԻՆ Է

0
110

Հայաստանի   հանրապետութեան   նախագահ Սերժ Սարգսեան   ընդունեց նախագահութեան առընթեր  սահմանադրական  բարեփոխումներու  մասնագիտական յանձնաժողովի անդամները: Հանդիպման ընթացքին  յանձնաժողովի նախագահ,    Սահմանադրական  Ատեանի  նախագահ  Գագիկ  Յարութիւնեան յայտնեց, թէ  սահմանադրական  բարեփոխումներու  հայեցակարգի  նախագծի  նախնական տարբերակը արդէն պատրաստ է  եւ   տեղադրուած է արդարադատութեան նախարարութեան պաշտօնական կայքէջին   վրայ:  Յանձնաժողովի  նախագահը ներկայացուց  հայեցակարգի   հիմնական դրոյթները: Յարութիւնեան  նշեց, թէ   հայեցակարգը  պէտք է անցնի պարտադիր   հանրային  քննարկումներու  հանգրուան:

Նախագահ   Սերժ Սարգսեան շնորհակալութիւն  յայտնեց յանձնաժողովի անդամներուն, կատարուած   ծաւալուն աշխատանքին համար:« Համոզուած  եմ, որ    յանձնաժողովի անդամներու  մասնագիտական  բարձր որակները  թոյլ տուած են վեր  հանելու եւ մշակելու  մեր  հասարակութիւնը եւ պետութիւնը  յուզող   բոլոր  կարեւորագոյն խնդիրները:  Սահմանադրութիւնը սերունդներու համար է:  Եւ   իբրեւ այս   ճանապարհով   շարժուելու սկիզբ, ես   իմ կողմէ կը  փափաքիմ կատարել առաջին քայլը սահմանադրական   բարեփոխումներու   քննարկումները  իսկապէս  անկաշկանդ  հունի  մէջ դնելու  առումով:  Եւ ձեր առջեւ, քննարկումներու փուլը սկսելէ առաջ, պաշտօնապէս կը յայտարարեմ, որ  ես՝ Սերժ Սարգսեան, այլեւս  երբեք  պիտի չառաջադրուիմ  Հայաստանի  հանրապետութեան  նախագահի պաշտօնին   համար:  Եթէ   վերջնական  քննարկումներու  արդիւնքով  իմ  ցանկութեանը  չհամապատասխանող  ուղի ընտրուի, նկատի ունիմ խորհրդարանական  կառավարման  եղանակը,  ապա  ես  չեմ   յաւակնիր վարչապետի  պաշտօնին:Համոզուած եմ, որ   զուտ իրաւական   բնոյթ  ունեցող   հարցերու  կապակցութեամբ   յանձնաժողովը   ունի թէ գիտական եւ թէ   գործնական   հիմնաւորումները».ըսաւ  Սերժ Սարգսեան, աւելցնելով որ Հայաստանի համար ներկայիս  գործող  կառավարման    վարչաձեւը  կը մնայ առաւել  ընդունելին:  

Նախագահ Սերժ Սարգսեան  նաեւ հաւանութիւն տուաւ  հայեցակարգի  հանրային քննարկումներու  ժամկէտը   երկարաձգելու   յանձնախումբին առաջարկին:

 

LEAVE A REPLY

Please enter your comment!
Please enter your name here