ԶԱՐԱՔՕԼՈՒ ՀԱՅՈՑ ՑԵՂԱՍՊԱՆՈՒԹԻՒՆԸ ՃԱՆՉՆԱԼՈՒ ԿՈՉ ԸՐԱՒ ԳՈՆԿՐԷՍԻՆ ՄԷՋ

0
124

Միացեալ Նահանգներու Գնկրէսի շէնքին մէջ տեղի ունեցած Հայոց Ցեղասպանութեան ոգեկոչման տարեկան ձեռնարկին ընթացքին, Ծերակոյտի Արտաքին յարաբերութիւններու յանձնախումբի ատենապետ Ռոպըրթ Մենենտեզ եւ Ներկայացուցիչներու տան Արտաքին յարաբերութեան յանձնախումբի ատենապետ Էտ Ռոյս անգամ մը եւս Ցեղասպանութեան ճանաչման կարեւորութիւնը լուսարձակի տակ առած են, աւելի քան երկու տասնեակ գոնկրէսականներու աջակցութեամբ:
Այս տարուան ոգեկոչման ընթացքին, առաջին անգամ ըլլալով մարդկային իրաւանց թուրք իրաւապաշտպան մը՝ Ռակըփ Զարաքօլու, Ցեղասպանութեան ճանաչման եւ Թուրքիոյ ուրացման քաղաքականութեան վերջ տալու կարեւորութիւնը շեշտեց:
Գոնկրէսի Հայկական համախմբումին, Միացեալ Նահանգներու մօտ Հայաստանի եւ Արցախի ներկայացուցչութեանց եւ ամերիկահայ կազմակերպութեանց համատեղ ջանքերով կազմակերպուած այս ձեռնարկը տեղի ունեցաւ Գոնկրէսի «Ռէյպըրն» մասնաշէնքի «Ոսկեայ» սրահին մէջ:

Հանդիսութեան  ընթացքին  ելոյթներ ունեցան ծերակուտականներ Ճեք Ռիտ, Շելտըն Ուայթհաուս, Էտ Մարքի, գոնկրէսի Հայկական համախմբումի համանախագահ Ֆրենք Փալոն, ինչպէս նաեւ գոնկրէսականներ Կաս Պիլիրաքիս, Ճուտի Չու, Տէյվիտ Սիսիլին, Քեթրին Քլարք, Ճան Քանիըրզ, Ճիմ Քոսթա, Տենի Տէյվիս, Ճենիս Հան, Ճիմ Լենկվին, Քերոլայն Մըլոնի, Ճիմ ՄըքԿավըրն, Լինտա Սանչեզ, Էտըմ Շիֆ, Պրետ Շըրմըն, Ճեքի Սփիր, Ճան Թիէրնի եւ Տինա Թայթըս:
Իրենց պատգամները փոխանցեցին նաեւ Միացեալ Նահանգներու մօտ Հայաստանի դեսպան Թաթուլ Մարգարեան եւ Արցախի Հանրապետութեան ներկայացուցիչ Ռոպերթ Աւետիսեան, մինչ հոգեւոր պատգամներ փոխանցեցին Անուշաւան եպս. Դանիէլեան եւ Վիգէն արք. Հայկազեան:

«Միացեալ Նահանգները Թուրքիոյ լաւ բարեկամ է, սակայն եթէ իսկական ընկերն է, ապա պէտք է այլ ձեւով գործէ՝ պէտք է աջակցի Թուրքիոյ ժողովրդավարութեան, իսկ Թուրքիոյ մէջ իսկական ժողովրդավարութիւնը կը սկսի առերեսուելով պատմութեան հետ, մե՛ր պատմութեան, 1915ի իրականութեան», իր խօսքին մէջ նշեց Զարաքօլու:

 

LEAVE A REPLY

Please enter your comment!
Please enter your name here