ՄԻՍԻՍՓԻ ՄԵՐԺԵՑ ԱՏՐՊԷՅՃԱՆԻ Ի ՆՊԱՍՏ ԲԱՆԱՁԵՒ ՄԸ

0
115

Միսիսիփիի նահանգային Ծերակոյտը մերժեց քուէարկութեան դնել Ատրպէյճանի ի նպաստ բանաձեւ մը, որ կոչ կ՛ընէ Միացեալ Նահանգներու նախագահին՝ ճանչնալու Ատրպէյճանի տարածքային անձեռնմխելիութիւնը: Բանաձեւը ներկայացուած էր ծերակուտական Ճոն Հոռնի կողմէ, որ կը պնդէր, թէ Ատրպէյճան առեւտրական կարեւոր գործակից մը ըլլալով Միացեալ Նահանգներու եւ յատկապէս Միսիսիփի նահանգին՝ Ուաշինկթըն պէտք է «Հայաստանի ու Ատրպէյճանի միջեւ շարունակուող Լեռնային Ղարաբաղի տագնապին արագ եւ արդար լուծում» մը գտնելու ջանքերուն յաւելեալ աջակցութիւն ցուցաբերէ եւ ճանչնայ Ատրպէյճանի տարածքներուն անձեռնմխելիութեան իրաւունքը:
Ատրպէյճանական լոպին յաջորդական հինգերորդ պարտութիւնն է, զոր կը կրէ նահանգային խորհրդարաններու մէջ: Նախապէս, հակահայ բանաձեւեր պարտութեան մատնուած էին Հաուայիի, Ուայոմինկի, Հարաւային Տաքոթայի եւ Թենըսիի մէջ:

LEAVE A REPLY

Please enter your comment!
Please enter your name here