ՊԵՏԱԿԱՆ ՔԱՐՏՈՒՂԱՐՈՒԹԻՒՆ՝ ՀԱՅԱՍՏԱՆԸ ԵՒ ԹՈՒՐՔԻԱՆ ՆԱԽԿԻՆԻ ՆՄԱՆ ՀԱՒԱՏԱՐԻՄ ՊԷՏՔ Է ՄՆԱՆ ՅԱՐԱԲԵՐՈՒԹԻՒՆՆԵՐՈՒ ԿԱՐԳԱՒՈՐՄԱՆ ԳՈՐԾԸՆԹԱՑԻՆ

0
131

Միացեալ  Նահանգներու պետական  քարտուղարութեան խօսնակ Ճէն Փսաքի յայտարարեց, թէ  Ուաշինկթըն կը  շարունակէ  կոչ ուղղել  Հայաստանին եւ Թուրքիային, աշխատիլ հասնելու՝ փաստերու  բաց  ու լիարժէք  ճանչման: «Կը  կարծենք, որ    ընդհանուր  պատմութեան խնդիրներու լուծման  շուրջ   միասին աշխատելով՝ Հայաստան եւ Թուրքիան կրնան  նպաստել Կովկասի ամբողջ  տարածաշրջանին  բարգաւաճմանը եւ  կայունութեանը:  Ճիշդ այդ  պատճառով ալ  կը  շարունակենք  անոնց հետ աշխատիլ այդ ուղղութեամբ». յայտարարեց Փսաքի:

Հակառակ որ արձանագրութիւններու  բանակցութիւնները խզուած են, ըստ Փսաքիի՝  պետական քարտուղարութիւնը կ’ընդգծէ որ  կողմերը  նախկինին նման   հաւատարիմ են  յարաբերութիւններու կարգաւորման  գործընթացին  եւ «Կողմերէն եւ ոչ մէկը  դուրս  չէ եկած գործընթացէն»:

Ուաշինկթըն  շահագրգռուած է, որպէսզի  Հայաստան եւ Թուրքիա  բուժեն անցեալի  վէրքերը  ու յառաջ  շարժին՝  դէպի  « տարածաշրջանին մէջ անվտանգութեան ու բարգաւաճման   ընդհանուր ապագայ: Մեր  քաղաքականութիւնը բնականաբար կը  ղեկավարուի  այդ  նպատակով».ըսաւ խօսնակը:

Պատասխանելով այն հարցումին, արդեօք  իրեն  յայտնի  են պատճառները, թէ  ինչո՞ւ  գործընթացը  չընթանար յառաջ, ան  ընդգծեց,թէ  աւելի   մանրակրկիտ  վերլուծութիւն չունի այդ մասին:

LEAVE A REPLY

Please enter your comment!
Please enter your name here