ԳԱԼԻՖՈՐՆԻՈՅ ՕՐԷՆՍԴԻՐ ՄԱՐՄՆԻ ՅԱՆՁՆԱԺՈՂՈՎԸ ԸՆԴՈՒՆԵՑ ՀԱՅՈՑ ՑԵՂԱՍՊԱՆՈՒԹԻՒՆԸ ԿՐԹԱԿԱՆ ԾՐԱԳԻՐԻՆ ՄԷՋ ՆԵՐԱՌՆԵԼՈՒ ՕՐԻՆԱԳԻԾԸ

0
109

Միացեալ Նահանգներու  Գալիֆորնիա նահանգի   օրէնսդիր  խորհուրդի կրթական հարցերու յանձնաժողովը   միաձայնութեամբ  ընդունեց  կառոյցի անդամ՝ Ատրին  Նազարեանի կողմէ  առաջադրուած՝  Հայոց Ցեղասպանութեանը  վերաբերող նիւթերը՝ 7-12-րդ դասարաններուն  կրթական  ծրագիրներուն մէջ ներառնելու մասին  օրինագիծը:    Սոյն  օրինագիծը  ներկայիս  անհրաժեշտ է  ներկայացնել  նահանգի   օրէնսդրական  մարմնի  հարցերով  յանձնաժողովին   քննարկմանը:

Միւս  կողմէ,   Մեսաչուսեց նահանգի   քաղաքապետութեան նախաձեռնութեամբ  տեղի ունեցաւ  Հայոց Ցեղասպանութեան զոհերու  յիշատակին նուիրուած   միջոցառում մը,  որուն մասնակցեցան  տեղի  հայ համայնքը,   իրաւագէտներ եւ նահանգապետը:  Նահանգապետ   Տեվալ  Փաթրիկ  ունեցաւ յուզիչ  ելոյթ մը եւ   ըսաւ .« Անկասկած  դուք մեր նահանգը աւելի  լաւ  դարձուցիք». աւելցնելով որ  իրեն  համար  մեծ պատիւ է   գտնուիլ Հայոց  Ցեղասպանութիւնը  վերապրողներու կողքին, որովհետեւ անոնք կը ցուցադրեն   մարդկային  ոգիի արիութեան  օրինակ:  

 

LEAVE A REPLY

Please enter your comment!
Please enter your name here