ԺԱԱԺԱ ԿԸ ՅԱՒԱԿՆԻ ԴԱՌՆԱԼՈՒ ՄԱՐՏ 14-Ի ՈՒԺԵՐՈՒՆ ԹԵԿՆԱԾՈՒՆ

0
258

Լիբանանեան Ուժեր Կուսակցութեան գործադիր խորհուրդի  պետ  Սամիր Ժաաժա  դիտել տուաւ, որ Մարտ  14-ի ուժերը շատ մօտ են  որդեգրելու նախագահութեան  համար իր  թեկնածութիւնը: Ժաաժա  աւելցուց, թէ իր  թեկնածութիւնը պիտի   չառաջադրէր, եթէ  իր թիկունքին չունենար Մարտ 14-ի ուժերուն զօրակցութիւնը:   Մուսթաքպալ Հոսանքի  քաղաքական դիւանի անդամ Մուսթաֆա Ալլուշ  յայտարարեց, թէ  Մարտ 14-ի ուժերը  միացեալ թեկնածուով պիտի մասնակցին   նախագահական   ընտրութիւններուն:

 Երեսփոխան Ռոպեր Ղանէմ կնքեց մամլոյ ասուլիս մը եւ թեկնածութիւնը առաջադրեց   նախագահական յառաջիկայ  ընտրութիւններուն:Ապա ան այցելեց  Փոփոխութիւն եւ Բարեկարգում խորհրդարանական խմբաւորումի պետ Միշէլ Աունին:  Հանդիպումէն ետք,  Ղանէմ   յայտարարեց, թէ    ընտրութիւնները  անհրաժեշտ է կատարել  նշուած  ժամանակամիջոցին: Ան   միաժամանակ  մերժեց  փոփոխութեան ենթարկել  սահմանադրութիւնը:

Երեսփոխան Պութրոս Հարպ պատասխանատուութիւն կրելու պատրաստակամութիւն յայտնեց, եթէ Մարտ 14-ի ուժերը  առաջադրեն իր թեկնածութիւնը: Հարպ  նշեց, թէ կարելի է այնպիսի   թեկնածու մը առաջադրել Մարտ  14-ի ուժերէն, որ  ձայներ յաջողի ապահովել Մարտ  8-ի  ուժերէն:   Երեսփոխան Ահմէտ Ֆաթֆաթ  յայտնեց,թէ  որեւէ արգելք  չկայ  նախագահական  ընտրութիւնները  ժամկէտին   կատարելու դէմ:

Մարոնիներու  Պշարա Ռայի գարտինալը  մաղթեց, որ խորհրդարանը կ’ընտրէ երկրին դիմագրաւած մարտահրաւէրներուն մակարդակով նախագահ մը:  Ռայի  նաեւ աւելցուց, թէ  կը  սպասէ նախագահ ընտրելու  Նեպիհ Պըրրիիի հրաւէրին:

LEAVE A REPLY

Please enter your comment!
Please enter your name here