ԽՈՐՀՐԴԱՐԱՆԸ ԱՅՍՕՐ ՊԻՏԻ ՔՆՆԱՐԿԷ ԱՇԽԱՏԱՎԱՐՁԵՐՈՒ ՅԱՒԵԼՄԱՆ ԹՂԹԱԾՐԱՐԸ

0
140

Սկզբունքով լիբանանեան խորհրդարանը այսօր՝ Երեքշաբթի  պիտի  վճռէ  ուսուցիչներու եւ  պետական  պաշտօնեաներու աշխատավարձերու  յաւելման  թղթածրարին ճակատագիրը:  Սենտիքայական համակարգումի խորհուրդը  սպառնաց   դասադուլի եւ  բաց   գործադուլի դիմել՝ օրինագիծին  քննարկումը  յետաձգուելու կամ մերժուելու պարագային: Սկզբունքով, այսօր առաւօտեան  ժամը  11-ին,  բողոքի  հաւաք մը  տեղի պիտի ունենայ   Ռիատ Սոլհ հրապարակին  մէջ:  Ուսուցիչներու սենտիքայի  նախագահ Նաամէ Մահֆուտ ուսուցիչներէն  պահանջեց  հոծ  շարքերով մասնակցիլ   բողոքի հաւաքներուն եւ  տէր կանգնիլ իրենց իրաւունքներուն:  

Խորհրդարանի նախագահ  Նեպիհ Պըրրի  մերժեց  երկիրը անդամալուծող  որեւէ  շարժում: Պըրրի աւելցուց, թէ  աշխատավարձերու  յաւելումը  կրնայ  տուրքային եւ վարչական մակարդակով  բարեկարգութիւններու մեկնակէտ դառնալ: 

Ընկերվար Յառաջդիմական Կուսակցութեան պետ Ուալիտ Ճոմպլաթ  գլխաւորեց  իր խորհրդարանական   խմբաւորումին նիստին եւ  քննարկեց  աշխատավարձերու  յաւելման  հարցը:  Նիստէն ետք յայտարարեց, թէ  իր ճակատը ներկայացնող  երեսփոխանները   պիտի մերժեն քուէարկել  ի նպաստ  աշխատավարձերու  օրինագիծին, եթէ  խորհրդարանական յանձնախումբերը  ձախողին   հայթայթելու զայն  մատակարարելու  անհրաժեշտ  միջոցները:

LEAVE A REPLY

Please enter your comment!
Please enter your name here