ՄՈՍԿՈՒԱ ԵՒ ԱՐԵՒՄՈՒՏՔԸ ՔՆՆԱԴԱՏՈՒԹԻՒՆՆԵՐ ԿԸ ՓՈԽԱՆԱԿԵՆ ՈՒՔՐԱՆԻՈՅ ՇՈՒՐՋ

0
315

Ուքրանիոյ  հարցը  բուռն   հակամարտութեան մը վերածուած է  Մոսկուայի եւ Արեւմուտքին միջեւ: ՄԱԿ-ի  Ապահովութեան Խորհուրդը   Ռուսիոյ  պահանջով, արտակարգ  նիստ մը  գումարեց եւ  քննարկեց   Ուքրանիոյ  զարգացումները:   Նիստի  ընթացքին,  Ռուսիոյ եւ  Միացեալ Նահանգներու  ներկայացուցիչները  փոխանակեցին  փոխադարձ  քննադատութիւններ: ՄԱԿ-ի մօտ   Միացեալ Նահանգներու դեսպան Սամանթա Փաուըր նոր պատժամիջոցներով սպառնաց Մոսկուային: Ռուսիոյ  դեսպան  Վիթալի Չուրքին  բացայայտօրէն ամբաստանեց  Ուաշինկթընը՝  Ուքրանիոյ  ներքին   գործերուն  միջամտելու յանցանքով:

Այլ  գետնի վրայ,  Միացեալ Նահանգներու  պետական քարտուղար   Ճոն Քերրի եւ անոր  ռուս պաշտօնակիցը  Սերկէյ Լաւրով  քննարկեցին  Ուքրանիոյ  իրավիճակը:   Քերրի  իր մտահոգութիւնը  յայտնեց Ռուսիոյ  միջամտութիւններուն: Լաւրով զգուշացուց  Քերրրին, թէ   Ուքրանիոյ  իշխանութիւններուն կողմէ ուժի  որեւէ  փորձ  ձախողութեան պիտի մատնէ  Ժընեւի մէջ նախատեսուող քառակողմ  հանդիպումը: Գերմանիոյ արտաքին գործոց նախարար  Ֆրանք Վալթէր Շթայնմայէր  յոյս  յայտնեց, որ  17  Ապրիլին նախատեսուած  վերոյիշեալ հանդիպումը կը կայանայ  ճշդուծ թուականին:

 Ուքրանիոյ   պաշտպանութեան եւ ազգային անվտանգութեան  խորհուրդը  արտակարգ նիստ մը   գումարեց եւ  քննարկեց  արեւելեան Ուքրանիոյ զարգացումները, ուր   ռուսամէտ քաղաքացիներ աստիճանաբար կը  գրաւեն  կառավարութեան պատկանող   կառոյցներ: ՄԱԿ-ի ընդհանուր քարտուղար Պան Քի Մուն  դիտել տուաւ, թէ  Ուքրանիոյ արեւելեան  շրջաններուն մէջ  տեղի ունեցող   զարգացումները չեն բխիր որեւէ կողմէ շահերէն:

ՆԱԹՕ-ի  ընդհանուր քարտուղար Անտերս Ֆոկ Ռասմուսըն յաւելեալ  պատժամիջոցներով  սպառնաց  Մոսկուային, իսկ  Եւրոպական Միութեան արտաքին  քաղաքականութեան  գլխաւոր  բանագնաց Քաթրին Աշթըն՝  զօրքերը Ուքրանիայէն հեռացնելու  խորհուրդ մը տոաւ Ռուսիոյ:  Աշթըն մաղթեց, որ  Ժընեւի   հանդիպումը  կը  նուազեցնէ  կողմերուն միջեւ լարուածութիւնը:

Ուքրանիոյ    նախագահ  Վիքթոր Եանուքովիչ զգուշացւոց Ուքրանիոյ   մէջ քաղաքացիական պատերազմի   սպառնալիքէն:  Ան  յայտնեց, թէ  Սի.Այ.Էյ-ի  տնօրէն  Ճոն Պրենան յաճախակի հանդիպումներ կ’ունենար  Ալեքսանտր  Թուրչինովի եւ   Արսէն   Ակաքովի հետ:

Շուէտի արտքին գործոց նախարար Գաօլ Պիլտ յայտարարեց, թէ  Ուքրանիա փաստօրէն  սնանկացած  երկիր մը դարձած  է:

Միացեալ Նահանգներու  փոխնախագահ Ճօ Պայտըն, 22 Ապրիլին պիտի  ժամանէ Քիեւ:

LEAVE A REPLY

Please enter your comment!
Please enter your name here