ՆԱԽԱԳԱՀԱԿԱՆ ԸՆՏՐՈՒԹԻՒՆՆԵՐՈՒ ՍԱԿԱՐԱՆԷՆ

0
118

Ապահովական եւ   ընկերային   վերիվայրումներուն  կողքին,  թեթեւ կրակի  վրայ ստիճանաբար  սկսած է «եփիլ» նախագահական  ընտրութիւններու գործընթացը: Սէուտական օրաթերթեր կը գրեն, թէ  Ռիատի մէջ Սաատ Հարիրիի, Նատէր Հարիրիի,  Ֆուատ Սինիորայի եւ Նիհատ Մաշնուքի միջեւ կայացած  հանդիպումին  ընթացքին, Սաատ Հարիրի դիտել տուած է, թէ Մուսթաքպալ Հոսանքը   պարտաւորութիւն  չունի  ներկայիս որեւէ կեցուածք  ճշդելու նախագահական ընտրութիւններուն  առնչութեամբ, յատկպէս՝  անուններու պարագային: Այլ աղբիւրներ  անհնար կը  գտնեն  նախագահական  գործընթացքին շուրջ փոխհասկացողութիւն մը Մարտ 8-ի ուժերուն  եւ Սաատ Հարիրիի միջեւ:  Աւելի յստակ  ըլլալու համար՝ Մուսթաքպալ Հոսանքը զօրակցութիւն պիտի  չյայտնէ Միշէլ Աունի թեկնածութեան: Փոխարէնը՝ Մարտ 14-ի ուժերը միացդեալ  թենածուի մը  անունը պիտի առաջադրեն նախագահական ընտրութիւններուն: Այս՝ տեսակէտը Մուսթաքպալ Հոսանքի պետ Ֆուատ Սինիորա  փոխանցած է  Փաղանգաւոր Կուսակցութեան  նախագահ Ամին  Ճեմայէլին, անոնց միջեւ կայացած վերջին հանդիպումին ընթացքին:

Երեսփոխան Ահմէտ Ֆաթֆաթ  յայտնեց, թէ  Մարտ 14-ի  ուժերուն միջեւ  մնայուն խորհրդակցութիւններ տեղի կ’ունենան ընտրութիւններուն   միասնական  թեկնածու  մը որդեգրելու  նպատակով:

Ընտրական  բոլոր սակարկութիւններուն մէջ,   քաղաքական կարգ մը շրջանակներու  մօտ այն համոզումը կը տիրէ, թէ  վերջին պահուն նախագահ Միշէլ Սըլէյմանի պաշտօնավարութեան ժամանակաշրջանը երկարաձգելու համաձայնութիւն մը պիտի  գոյանայ  քաղաքական ուժերուն միջեւ:

LEAVE A REPLY

Please enter your comment!
Please enter your name here